Siarod pasažyraŭ, jakija nie zmahli 26 sakavika svoječasova vylecieć u Maskvu, byli členy biełaruskaj parłamienckaj delehacyi. U Minskim aeraporcie jany vymušany byli zatrymacca na čatyry hadziny,
paviedamiŭ 26 sakavika na
pres-kanfierencyi ŭ Minsku namieśnik hienieralnaha dyrektara nacyjanalnaj avijacyjnaj kampanii «Biełavija» Ihar Čarhiniec.
U Maskvie biełaruskija parłamientaryi pavinny zrabić pierasadku pa darozie ŭ Ałmaty, dzie 27 sakavika projdzie pasiadžeńnie Savieta Mižparłamienckaj asamblei (MPA) dziaržaŭ — udzielnic SND, pryśviečanaje 20-hodździu arhanizacyi. Uznačalvaje parłamienckuju delehacyju namieśnik staršyni Pałaty pradstaŭnikoŭ Viktar Huminski.
Pavodle infarmacyi pres-słužby Pałaty pradstaŭnikoŭ, u paradak dnia pasiadžeńnia Savieta MPA SND uklučany pytańni ŭdziełu ŭ nazirańni za vybarami ŭ Kazachstanie i Rasii. Buduć taksama paviedzieny vyniki dziejnaści MPA SND u 2011 hodzie, razhledžany pytańni ab hienieralnym sakratary Savieta MPA SND, a taksama ŭdakładnieny płan pracy arhanizacyi na 2012 hod.
U ramkach mierapryjemstva zapłanavany dvuchbakovyja sustrečy kiraŭnikoŭ parłamienckich delehacyj.
BiełaPAN
Chočaš padzialicca važnaj infarmacyjaj ananimna i kanfidencyjna?
Pišycie redaktaru «Našaj Nivy» ŭ TH
