Biełarusy pastupova stali pryzvyčajvacca da ekanomii. U haradzkich kvaterach užo nia dziva ličylniki vady i elektraenerhii.
Novyja košty na haz vidavočna padšturchnuć da pošukaŭ ličylnikaŭ vykarystańnia hazu. Ciapier navat ułady zrazumieli, što biez ekanomii, i ŭ hramadzkim sektary taksama, nie abyścisia. Navat paviarchoŭnaje aznajamleńnie z rynkam vymiaralnaj techniki navodzić na dumku, što ekanomija enerharesursaŭ pradbačyłasia nia siońnia. Biełaruskija pradpryjemstvy ŭžo kolki hod vyrablajuć ličylniki vady, hazu i elektraenerhii.
Ličylniki vady ŭ Biełarusi vypuskajuć u Miensku. Zavod «Elektronika» vypuskaje kvaternyja elektronnyja ličylniki chałodnaj i haračaj vady. AAT «MPOVT» dy pradpryjemstva »Armas» prapanujuć ličylniki kolkaści vady i ciapła.
Ličylniki elektraenerhii vyrablajuć AAT «Brescki Elektramiechaničny zavod» i UP «Viciebski zavod elektravymiaralnych pryboraŭ». Ličylniki hazu prapanujuć Mienski miechaničny zavod imia Vaviłava i toj ža AAT «Brescki Elektramiechaničny zavod».
Z pradukcyjaj biełaruskich vytvorcaŭ možna aznajomicca na virtualnym kirmašy.
Varta adznačyć, što da pradukcyi viciebskaha zavodu, u pryvatnaści da adnafazavych elektronnych ličylnikaŭ, biełaruskija eksperty majuć peŭnyja pretenzii. Tamu budźcie pilnyja pry vybary ličylnikaŭ, tym bolš, što jość vybar.
