Nacyjanalny bank Biełarusi (NBB) nie adnović valutnyja interviencyi ni ŭ jakim vyhladzie za košt čakanych najbližejšym časam srodkaŭ Antykryzisnaha fondu JeŭrAzES na $800 młn,zajaviła ahienctvu
«Nacbank nie budzie pravodzić interviencyi na valutnym rynku za košt pastupleńnia $800 młn z Antykryzisnaha fondu. Viadoma, što padčas dyjałohu ź misijaj MVF ekśpierty fondu adznačyli, što ličać adnaŭleńnie interviencyj niemetazhodnym», — skazała krynica.
Jana rastłumačyła, što takaja pazicyja hruntujecca na niedastatkovaści hetych srodkaŭ dla praviadzieńnia nieabchodnaha abjomu interviencyj z ulikam nazapašanaha adkładzienaha popytu na zamiežnuju valutu.
«Z ulikam maštabnaha adkładzienaha popytu hetych srodkaŭ chopić u najlepšym vypadku na tydzień. Potym rynak vierniecca da svajho ciapierašniaha stanu, ale situacyja nie źmienicca», — rastłumačyŭ surazmoŭca.
«Hetyja hrošy na rynak nie pojduć. Kredyt budzie zaličany ŭ skład zołatavalutnych reziervaŭ u poŭnym abjomie», — raźličvaje krynica.
U suviazi z hetym «situacyja na valutnym rynku kansiervujecca ŭ ciapierašnim vyhladzie». U pryvatnaści, rehulatar nie maje namieru zdymać dziejnyja abmiežavańni na pazabiržavym rynku i źmianiać kursavuju palityku, ličyć krynica. Na jaje dumku, takaja pazicyja tłumačycca tym, što va ŭmovach nazapašanych dysbałansaŭ u ekanomicy «siońnia nichto nie moža prapanavać realny miechanizm vychadu na rynkavy abmienny kurs» paśla taho, jak NBB za 5 miesiacaŭ devalvavaŭ nacyjanalnuju valutu na 75%.