28–29 maja ŭ spartkompleksie «Stajki» ŭ Minskim rajonie projdzie forum ananimnych ałkaholikaŭ «Majskija sustrečy», paviedamiŭ vykanaŭčy dyrektar Respublikanskaha hramadskaha abjadnańnia «Centralnaja słužba ananimnych ałkaholikaŭ» Anatol Astapienka 23 maja napres-kanfierencyi ŭ Minsku.
Pavodle jaho słoŭ, forum źjaŭlajecca tradycyjnym štohadovym schodam ananimnych ałkaholikaŭ — «sadružnaści, jakaja dapamahaje chvorym na ałkahalizm kinuć pić i pačać žyć ćviaroza». Forum arhanizujecca dla abmienu vopytam, pryciahnieńnia ŭ sadružnaść novych členaŭ. Jak praviła, jon źbiraje prykładna 500–600 čałaviek, jakija ŭstrymlivajucca ad užyvańnia ałkaholu, niekatoryja ź ich — 15–20 hadoŭ, adznačyŭ Astapienka.
Pavodle jaho słoŭ, tradycyjna na forumie arhanizujecca znajomstva z prahramaj dvanaccaci krokaŭ, na jakoj zasnavana rabota ananimnych ałkaholikaŭ. U prahramie forumu — schod dla achvotnych kinuć pić, zakrytyja schody ananimnych ałkaholikaŭ i ich
Jak skazaŭ Astapienka, sadružnaść ananimnych ałkaholikaŭ była zasnavana ŭ ZŠA ŭ 1935 hodzie. U śviecie jana naličvaje kala troch miljonaŭ čałaviek. U Biełarusi sadružnaść pačała pracavać u 1990 hodzie. U krainie dziejničajuć 66 ananimnych hrup padtrymki, ź ich 15 hrup — u Minsku. Adnačasova kožnuju hrupu naviedvajuć u siarednim 10–15 čałaviek. Za čas pracy ŭ Biełarusi sadružnaść dapamahła zastavacca ćviarozymi niekalkim tysiačam čałaviek, paviedamiŭ Astapienka.
Adnak, na jaho dumku, u Biełarusi sadružnaść ananimnych ałkaholikaŭ mała raźvita. Dla paraŭnańnia: u susiedniaj Polščy pracujuć kala 2 tys. hrup ananimnych ałkaholikaŭ, jany atrymlivajuć 5% ad akcyzaŭ na ałkahol. Astapienka ličyć, što i ŭ Biełarusi rabota sadružnaści pavinna być padtrymana na dziaržaŭnym uzroŭni.
Razam z tym, Astapienka padkreśliŭ, što adzinaja ŭmova dla členstva ŭ sadružnaści ananimnych ałkaholikaŭ — žadańnie kinuć pić. Udzielniki supolnaści nie płaciać ni ŭstupnych, ni členskich uznosaŭ. Arhanizacyja isnuje dziakujučy dobraachvotnym achviaravańniam. Usie zacikaŭlenyja dałučycca da ananimnych hrup padtrymki mohuć atrymać nieabchodnuju infarmacyju na sajcie www.aabelarus.org abo pa telefonie
