U aŭtorak prajšoŭ piaty tur čempijanata Biełarusi pa futbole. U adzinaasobnyja lidary vyjšaŭ barysaŭski BATE.
U pieršym matčy dnia sustrakalisia minskaje «Dynama» i navapołacki «Naftan». Pačatak hulni byŭ, a 17:00. Cikava, dla jakich zaŭziataraŭ jaho pravodzili, kali bolšaść minčukoŭ u toj čas jašče była na pracy.
Los sustrečy vyrašyŭsia ŭ pieršym tajmie, kali miač u varoty haspadaroŭ zabiŭ «naftanaviec» Harbačoŭ. «Dynama» atakavała, ale navat zraŭniać lik nie zmahło. Heta ŭžo čaćviorty zapar matč minčan biez zabitych hałoŭ.
Pad trenieram «dynamaŭcaŭ» Aleham Vasilenkam zakałychałasia kresła. Hienieralny dyrektar kamandy, biźniesmien Jury Čyž nie lubić ličyć da dvuch.
Absalutna ŭnikalny vypadak adbyŭsia ŭ sustrečy «Dynama» (Brest) i BATE. Dubl u sustrečy aformiŭ abaronca haspadaroŭ Alaksiej Pankaviec. Cymus u tym, što
adnafamilec aŭtara hetych radkoŭ aformiŭ dubl u svaje varoty. Tak i ŭ lepšyja bambardziry barysaŭcaŭ vyjści moža. BATE pieramoh ź likam 3:0.
Pryncypovaja sustreča pamiž miedalistami minułaha pieršynstva «Šachciora» i «Minska» skončyłasia pieramohaj pieršych. Adziny hoł naprykancy sustrečy zabiŭ Alaksandr Ałumona.
U stanie lidaraŭ pieršynstva niečakana znachodzicca babrujskaja «Biełšyna». Siońnia kamanda Alaksandra Siadniova vyjhrała ŭ «Viciebska» — 1:0.
Astatnija vyniki tura: «Tarpieda» — «Homiel» — 1:1, «Dniapro» — «Nioman» — 1:1.
Turnirnaja tablica paśla piaci turaŭ maje nastupny vyhlad:
BATE — 11 punktaŭ, «Biełšyna» — 10, «Homiel», «Šachcior» — pa 9,«Tarpieda-BIEŁAZ» — 8, «Naftan» — 7, «Dynama» (Brest), «Minsk», «Dynama» (Minsk), «Nioman» — pa 5, «Viciebsk» — pa 4, «Dniapro» — 2.
