U haspadarčym sudzie Minska prajšli papiarednija słuchańni pa isku ŽREA Savieckaha rajona da partyi BNF. Nahadajem, što ŽREA Savieckaha rajona patrabuje pazbavić partyju BNF pamiaškańnia na Mašerava, 8 u Minsku.
U papiarednich sudovych słuchańniach partyju BNF pradstaŭlali staršynia Alaksiej Janukievič i namieśnik staršyni partyi Ryhor Kastusioŭ. U chodzie papiaredniaha sudovaha słuchańnia pradstaŭnica ŽREA adznačyła, što padstavaj dla vysialeńnia partyi BNF źjaŭłajecca sistematyčnaja zapazyčanaść pa apłacie arendy. U sudzie taksama adznačałasia, što listy z paviedamleńniami ab tym, što z partyjaj BNF nie budzie praciahnuty dahavor arendy, adsyłalisia sa ŽREA sistematyčna, pačynajučy sa śniežnia minułaha hoda.
Darečy, jak stała viadoma ŭ sudzie, u vypadku vysialeńnia party BNF z ofisa, u pamiaškańni na Mašerava, 8, mahčyma, budzie adčyniena vytvorčaje pradpryjemstva, na jakim buduć pracavać invalidy i ludzi z abmiežavanymi fizičnymi mahčymaściami.
U svaju čarhu adkazčyki, a ŭ sudzie partyju BNF pradstaŭlali staršynia Alaksiej Janukievič i adzin z namieśnikaŭ staršyni Ryhor Kastusioŭ, isk nie pryznali. Jany vykazali sumnieńni, što daviedka ab zapazyčanaści pa arendnaj płacie sapraŭdnaja i ličać, što dahavor arendy z partyjaj BNF pavinien być praciahnuty.
Vysłuchaŭšy pazicyi bakoŭ, sudździa Alena Mielnikava paprasiła padrychtavać da sudovaha raźbiralnictva ŭsie nieabchodnyja dakumienty i pryznačyła datu asnoŭnaha razhladu spravy – 28 krasavika.
Adznačym, što 22 krasavika taja ž Alena Mielnikava budzie razhladać sustrečny isk partyi BNF da ŽREA Savieckaha rajona Minska.
