Jak vysokija technałohii ŭ miedycynie ŭpłyvajuć na źnižeńnie śmiarotnaści biełarusaŭ 1

Jašče niadaŭna apieracyi na adkrytym sercy ŭsprymalisia ŭ Biełarusi jak praryŭ u miedycynie, a ludzi, jakija majuć patrebu ŭ pierasadcy piečani, ličyli siabie asudžanymi. Sučasnyja technałohii padaravali šaniec na žyćcio sotniam bieznadziejna chvorych.

Ci stała vysokatechnałahičnaja miedycynskaja dapamoha ahulnadastupnaj dla biełarusaŭ, vyśviatlaje «Zaŭtra tvajoj krainy».

Ad pratezavańnia da pierasadki

— U apošnija hady adnym z pryjarytetaŭ u achovie zdaroŭja było ŭkaranieńnie vysokich technałohij u miedycynu, — kaža načalnik upraŭleńnia arhanizacyi miedycynskaj dapamohi Ministerstva achovy zdaroŭja Taćciana Mihal. — Našyja daktary nie tolki paśpiachova asvoili, ale i ŭkaranili ŭ praktyku najnoŭšyja vysokatechnałahičnyja mietady dyjahnostyki i lačeńnia chvarobaŭ. I siońnia razmova ŭžo idzie pra toje, jak ukaraniać vysokija technałohii ŭ rehijonach.

Niama, mabyć, užo nivodnaj vobłaści miedycyny, dzie b za apošnija niekalki hadoŭ u Biełarusi nie pačali vykonvacca novyja vidy apieracyj, vykarystoŭvacca technałohii, nie horšyja, čym za miažoj.

Asablivy honar čynoŭnikaŭ — transpłantałohija. Jana — pakazčyk taho, nakolki raźvitaja sistema achovy zdaroŭja krainy ŭ cełym.

U 2007 hodzie ŭ Biełarusi było vykanana ŭsiaho 18 pierasadak nyrki. Pra transpłantacyju serca tolki kazali, niekalki razoŭ adkładajučy praviadzieńnie pieršaj takoj apieracyi. Siońnia biełaruskija daktary paśpiachova pierasadžvajuć nyrki (pryčym navat dzieciam), serca, piečań. U krainie funkcyjanuje Respublikanski centr transpłantacyi orhanaŭ i tkanak. Tolki ŭ minułym hodzie było vykanana 115 transpłantacyj nyrki, 31 — piečani, 22 — serca. Da transpłantołahaŭ šychtujecca čarha z zamiežnych pacyjentaŭ.

Asobnaje i vielmi balučaje dla miedykaŭ pytańnie — kardyjałohija. Chvaroby serca i sasudaŭ źjaŭlajucca hałoŭnaj pryčynaj śmierci biełarusaŭ, składajučy 53% u struktury śmiarotnaści. Sučasnyja prahresiŭnyja technałohii ŭ hetaj śfiery miedycyny vielmi važnyja.

— Apošnija try-čatyry hady kardyjachirurhičnaja słužba raźvivajecca vielmi aktyŭna, — kaža zahadčyk 2-ha kardyjachirurhičnaha adździaleńnia RNPC «Kardyjałohija» Alaksandr Švied. — My pastajanna ŭkaraniajem u praktyku novyja vidy apieracyjnych umiašańniaŭ. Ciapier, naprykład, asvoili interviencyjnaje lačeńnie parušeńniaŭ rytmu serca, endapratezavańnie aorty. Dla hetaha jość i mahčymaści, i srodki.

Pavodle słovaŭ śpiecyjalista, siońnia praktyčna va ŭsich abłasnych centrach vykonvajucca nieadkładnyja ŭmiašańni ŭ chvorych na sardečna-sasudzistyja zachvorvańni, naprykład, aortakaranarnaje šuntavańnie, stenciravańnie karanarnych arteryj….

Ale vysokija technałohii — heta nie tolki transpłantałohija i kardyjachirurhija. Heta i niejrachirurhičnyja ŭmiašańni, i pratezavańnie sustavaŭ, i ankadyjahnostyka, i dapamožnyja repraduktyŭnyja technałohii. Traŭmatołahi-artapiedy, naprykład, užo asvoili i vykonvajuć endapratezavańnie plečavoha, łokcievaha i halonkastupniovaha sustavaŭ. U RNPC ankałohii i miedycynskaj radyjałohii vykonvajucca łaparaskapičnaja prastatektamii i reziekcyja nyrki. Śpiecyjalisty RNPC «Maci i dzicia» paśpiachova transpłantavali ŭ matku razmarožanyja embryjony, u minułym hodzie takich paśpiachovych umiašańniaŭ było 11.

Vysokija technałohii — na pieryfieryju

U Ministerstvie achovy zdaroŭja padkreślivajuć: uzrovień zabiaśpiečanaści nasielnictva vysokatechnałahičnymi vidami miedycynskich umiašańniaŭ u Biełarusi raście. U 2010 hodzie ŭ paraŭnańni z 2009 hodam na 53,9% pavialičyłasia kolkaść stenciravańniaŭ i anhijapłastyki pry vostrym infarkcie mijakarda. Na 17% bolš vykanana endapratezavańniaŭ kalennaha sustava. A atarynałarynhołahi pavialičyli na 66% kolkaść kachlearnych impłantacyj — ciapier hetaja apieracyja źjaŭlajecca adzinym sposabam reabilitacyi chvorych z tatalnaj hłuchatoj.

Vysokija technałohii stanoviacca dastupniejšymi šmat u čym dziakujučy tamu, što staličnyja daktary «pieradajuć» asvojenyja vidy apieracyj na pieryfieryju. Lidary tut — kardyjałahičnaja i traŭmatałahičnaja słužby.

— Takija apieracyi, jak aortakaranarnaje šuntavańnie, karanahrafija, vykonvajucca praktyčna va ŭsich abłasnych centrach, — padkreślivaje Alaksandr Škiet.

Pavodle słovaŭ śpiecyjalista, kazać ab tym, što takaja dapamoha dastupnaja ŭsim, možna budzie, kali ŭ kožnym abłasnym centry za hod budzie vykonvacca da adnoj tysiačy kardyjachirurhičnych apieracyj.

Dva hady tamu niekatoryja vidy apieracyj byli, darečy, vyklučanyja ź pieraliku vysokatechnałahičnych, bo pačali šyroka ŭkaraniacca ŭ praktyku. Naprykład, dastupnymi stali apieracyi na pazvanočniku, apieracyi pry ŭnutranačarapnych hiematomach z nahody ciažkich čerapna-mazhavych traŭmaŭ i niekatoryja inšyja. Ale zamiest ich u śpisie źjavilisia novyja vysokatechnałahičnyja apieracyi, jakija asvoili biełaruskija miedyki. Naprykład, apieracyi pry trombaembalii lohačnaj arteryi, niekatoryja novyja vidy endaskapičnych apieracyj. Dziakujučy ŭnikalnym miedycynskim technałohijam biełaruskija daktary navučylisia vychodžvać niedanošanych dziaciej ź vielmi nizkaj pry naradžeńni masaj cieła, ad 1 da 1,5 kh, i ekstremalna nizkaj — ad 500 hramaŭ da kiłahrama.

Bolšaść vysokatechnałahičnych apieracyj pa-raniejšamu vykonvajuć staličnyja śpiecyjalisty, jak praviła, supracoŭniki Respublikanskich navukova-praktyčnych centraŭ.

— Jość apieracyi, jakija sapraŭdy treba prasoŭvać u rehijony, — vykazvajuć svajo mierkavańnie praktykujučyja chirurhi. — Naprykład, stenciravańnie abo aortakaranarnaje šuntavańnie. Ale niekatoryja vidy vysokatechnałahičnaj dapamohi niama sensu stavić na patok. Metazhodniej kancentravać ich u adnym miescy. Heta adzinkavyja apieracyi. Hałoŭnaje, kab pacyjenty, jakim nieabchodnaje takoje ŭmiašańnie, svoječasova byli nakiravanyja ŭ respublikanski centr.

A heta ŭžo zaležyć ad taho, jak apieratyŭna spracuje pieršasnaje źviano.

— Vysokija technałohii — heta tolki 8–10% ad ahulnaha ŭniosku ŭ baraćbu z uzroŭniem zachvorvańniaŭ i śmiarotnaściu, — nahadvaje były ministr achovy zdaroŭja Biełarusi Ihar Zielankievič. — Astatnija 90% — heta pieršasnaja i druhasnaja prafiłaktyka zachvorvańniaŭ. Paśpiachova pracuje taja sistema achovy zdaroŭja, u jakoj ukaranieńnie sučasnych prahresiŭnych technałohij adbyvajecca na fonie pravilnaj arhanizacyi pieršasnaj i druhasnaj miedycynskaj dapamohi.

zautra.by

Chočaš padzialicca važnaj infarmacyjaj ananimna i kanfidencyjna? Pišycie redaktaru «Našaj Nivy» ŭ TH