Praces raźvićcia turindustryi ŭ Biełarusi vychodzić na novy ŭzrovień, stanovicca bolš dynamičnym i efiektyŭnym,
zajaviŭ ministr sportu i turyzmu Aleh Kačan 6 krasavika na adkryćci 14-j mižnarodnaj vystavy-kirmašu turysckich pasłuh "Adpačynak-2010" u nacyjanalnym vystavačnym centry "Biełekspa" pa vulicy Janki Kupały ŭ Minsku. Arhanizatarami vystupajuć NVC "Biełekspa" sumiesna ź Ministerstvam sportu i turyzmu.
Pavodle słoŭ Kačana, vystava aktyvizuje novyja kirunki turystyčnaj dziejnaści, sadziejničaje farmiravańniu pazityŭnaha imidžu Biełarusi. Sioleta na kirmašy pradstaŭlena bolš za 200 kampanij z 20 krain. Akramia Biełarusi, heta Rasija, Ukraina, Polšča, Litva, Łatvija, Estonija, Vialikabrytanija, Turcyja, Bałharyja, Italija, Čechija, Hruzija, Indyja, Słavienija, Małajzija, Izrail, Šviejcaryja, Kuba, Indaniezija, Tunis.
Pavodle słoŭ ministra, šyrokaje koła ŭdzielnikaŭ vystavy śviedčyć ab zacikaŭlenaści pradprymalnikaŭ u raźvićci hetaha vidu biźniesu.
Tematyka vystavy ŭklučaje ŭsie pytańni, źviazanyja z arhanizacyjaj turyzmu i adpačynku. Na ekspazicyi pradstaŭleny nastupnyja kirunki: padarožžy, ekskursijnyja prahramy, transpartnyja pasłuhi, sanatoryi, pansijanaty, damy adpačynku, turystyčnyja kłuby, haściničny servis, tavary dla sportu i adpačynku.
Kačan adznačyŭ, što hety hod źviazany ź dźviuma znakavymi padziejami — śviatkavańniem 20-hodździa SND i pryznańnia Homiela kulturnaj stalicaj Sadružnaści. "Spadziajusia, što vystava pasłužyć dziejsnym miechanizmam raźvićcia ŭnutranaha i ŭjaznoha turyzmu, pašyryć mahčymaści prasoŭvańnia nacyjanalnaha turystyčnaha praduktu na źniešni i ŭnutrany rynki", — skazaŭ jon.
Prahrama vystavy, jakaja budzie pracavać pa 9 krasavika, praduhledžvaje prezientacyi, kruhłyja stały, sieminary pa najbolš aktualnych prablemach turystyčnaj haliny.
