Staršynia Biełaruskaha ciažkaatletyčnaha sajuza Alaksandr Špileŭski nazvaŭ niepryjemnuju situacyju, što skłałasia ŭ nacyjanalnaj zbornajz-za kanfliktu čempijona piekinskaj Alimpijady Andreja Aramnava i hałoŭnaha treniera Alaksandra Hančarova.
«Ja liču, što spartsmien nie pavinien kiravać trenieram. Tut treba pačać z čystaha lista i hałoŭnamu trenieru, i samomu Aramnavu, zabyć staryja kryŭdy, padać adzin adnamu ruki i zakončyć hety kanflikt», — zajaviŭ Špileŭski ŭ hutarcy z žurnalistami.
Kiraŭnik BCS zaznačyŭ, što fiederacyja nikoli nie padstrojvałasia pad patrabavańni adnaho čałavieka: «Adzin čas jon byŭ adličany z kamandy i zajmaŭsia samastojna ŭ Barysavie. Jon vielmi ciažki pa charaktary čałaviek, svojeasablivy. Nu, talenavityja ludzi, jany ciažkija. Ja dumaju, projdzie niejki čas, čałaviek uśviadomić, što, u pryncypie, jaho zrabili ŭ tym liku i asabisty trenier, i kamanda. I jon zrazumieje, moža, z uzrostam, što ŭ jaho ahresiŭnyja pavodziny. Samaje hałoŭnaje, jon nijak nie moža zrazumieć svaje pamyłki. Tyja ž, skažam, prablemy z ałkaholem. Na žal, jość zavyšanaja samaacenka, niama adkaznaści pierad kamandaj i krainaj. Pakul, ja dumaju, heta časovaja źjava. Čałaviek jon talenavity, dumaju, usio vypravicca».
Špileŭski sa škadavańniem pryznaŭ, što nie vałodaje «asablivymi talentami pa pierakanańni hetaha čałavieka».
«My trojčy ź im sustrakalisia. Na žal, hutarki byli niekanstruktyŭnyja», — kanstatavaŭ jon.
U lutaŭskim intervju haziecie «Priessboł» Andrej Aramnaŭ, u pryvatnaści, zajaviŭ, što nie harantuje miedal na Alimpijadzie ŭ Łondanie, kali Hančaroŭ budzie praciahvać kiravać zbornaj.
«Ja z hetym čałaviekam hrebuju razmaŭlać, vitacca nie chaču, — skazaŭ spartsmien.
— Hančaroŭ straciŭ maju pavahu, jašče kali mnie było 14 hadoŭ i jon u prysutnaści ŭsioj kamandy, nie zadumvajučysia, zakranuŭ majo samalubstva. Inšym razam mnie motašna znachodzicca ź im u adnoj zale, tamu što jon śpiecyjalna, viedajučy pra majo staŭleńnie da jaho, sadzicca pobač ź miescam, dzie ja pracuju… Realna ja mahu nie tolki dźvie Alimpijady vyjhrać, ale i da saraka hadoŭ vystupać. A Hančaroŭ sprabuje spynić mianie ŭ maim raźvićci… Trenirujučysia pa schiemie Hančarova, chutka zarabiŭ dźvie mižpazvankovyja hryžy i ledź nie zastaŭsia bieź mieniskaŭ».
Pavodle słoŭ Aramnava, «pytańnie, kab razabracca z Hančarovym», staviŭ namieśnik staršyni BCS Alaksandr Kurłovič, ale treniera abaraniŭ Špileŭski. «Hety čałaviek nie tolki nie zrabiŭ dla mianie praktyčna ničoha, dyk jašče i hałoŭnaha treniera padtrymlivaje. Mnie zdajecca, jon prosta nie ŭjaŭlaje realnaha stanu spraŭ, tamu što jamu namieśnik pa sporcie danosić niepravieranuju infarmacyju. Adsiul i davier da Hančarova», — zajaviŭ Aramnaŭ.
U svaju čarhu Hančaroŭ padkreśliŭ, što patrabuje žorstkaj dyscypliny ŭ kamandzie: «Jak tolki spartsmien abo trenier pačynajuć dziejničać
Na dumku Hančarova,
za Aramnavym staić «peŭnaja hrupa ludziej», jakija chočuć pry dapamozie alimpijskaha čempijanatu źmiaścić jaho z pasady.
Hałoŭny trenier zbornaj nahadaŭ, što Aramnaŭ niekalki razoŭ zatrymlivaŭsia pjanym za rulom i pazbaŭleny vadzicielskich pravoŭ na piać hadoŭ, a taksama maje stanoŭčy test na kanabijoidy (znojdzienyja ślady kureńnia marychuany).
