Zatrymańni mahiloŭskich žurnalistaŭ — vyklik usioj žurnalisckaj supolnaści Biełarusi, ličyć Aleś Asipcoŭ. 27 sakavika jon vyzvaliŭsia ź izalatara časovaha ŭtrymańnia (IČU) paśla troch sutak administracyjnaha aryštu.
Nahadajem, niezaležny žurnalist Aleś Asipcoŭ byŭ zatrymany ŭ Mahilovie 24 sakavika ŭ 13.45 niepadalok ad svajho doma kala handlovaha centra «Atłant». Na praciahu niekalkich hadzin jaho miescaznachodžańnie zastavałasia nieviadomym — pradstaŭniki pravaachoŭnych orhanaŭ uvodzili žurnalistaŭ i pravaabaroncaŭ u zman.
U pryvatnaści, supracoŭnik Leninskaha RAUS major Andrej Ciecierukoŭ śćviardžaŭ, što Asipcova zatrymali za drobnaje chulihanstva ŭ skviery
Daviedacca ab miescaznachodžańni žurnalista ŭdałosia tolki paśla zvarotu ŭ 18.10 da namieśnika načalnika Leninskaha RAUS Alaksandra Patarenki. Vyśvietliłasia, što zatrymańnie było praviedziena nie ŭ tym miescy, jakoje nazyvaŭ Ciecierukoŭ. Jak vynikała z pratakoła, supracoŭniki
«za adpraŭleńnie naturalnych patreb u hramadskim miescy»,
a sud Leninskaha rajona ŭ toj ža dzień asudziŭ jaho na troje sutak administracyjnaha aryštu.
Na nastupny dzień, 25 sakavika, u Mahilovie byŭ zatrymany jašče adzin žurnalist — pazaštatny karespandent BiełaPAN Uładzimir Łapcevič. Jaho zatrymali, kali jon išoŭ aśviatlać mierapryjemstva, jakoje płanavali pravieści miascovyja pradstaŭniki demsił z nahody Dnia Voli, — uskładańnie kvietak da krajaznaŭčaha muzieja. Łapcevič abvinavačvajecca pa dvuch artykułach Kodeksa ab administracyjnych pravaparušeńniach: drobnaje chulihanstva i niepadparadkavańnie supracoŭnikam milicyi. Čakajecca, što 28 sakavika nad im adbudziecca sud.
Paśla vychadu ź IČU Aleś Asipcoŭ paviedamiŭ, što, chutčej za ŭsio, abskardzić svoj aryšt. «Chacia b dla taho, kab supakoić svajo sumleńnie. Ja nie ŭpeŭnieny, što mnie ŭdasca abskardzić rašeńnie suda, ale chacia b udasca danieści ŭsiu absurdnaść abvinavačańniaŭ. Toje, u čym mianie abvinavacili, — heta z vobłaści nie Administracyjnaha kodeksa, a z vobłaści psichijatryi. Kali čałavieka zatrymlivajuć za toje, što jon pamačyŭsia za 200 mietraŭ ad kvatery, dzie jon žyvie, — heta nieadekvatna», — zajaviŭ žurnalist.
Asipcoŭ padkreśliŭ: «Dla mianie nie vielmi važna, chto staić za inicyjatyvaj zatrymańnia ŭ Mahilovie žurnalistaŭ — kiraŭnictva harvykankama, ideałahičnaja viertykal abo kiraŭnictva siłavych struktur i śpiecsłužbaŭ. Važna toje, što ŭ Mahilovie za apošnija 10–12 hadoŭ nie było vypadkaŭ aryštu žurnalistaŭ, jakija nijakim čynam nie anhažyravanyja ŭ palityčnyja struktury i ruchi.
Mahiloŭ jakraz vydzialaŭsia tym, što śpiecsłužby i siłavyja struktury ciarpima stavilisia da žurnalistaŭ. Ciapier hetaha niama».
«Vidavočna, što zatrymańnie žurnalistaŭ — heta narkotyk dla ŭład, — miarkuje Aleś Asipcoŭ. — Dumaju, što ciapier machavik hetaha aryštanckaha pieraśledavańnia žurnalistaŭ zapuščany, i treba čakać usio što chočacie, naprykład, niejkich prakurorskich papiaredžańniaŭ i hetak dalej».
