Vałavy zamiežny doŭh Biełarusi za minuły hod pavialičyŭsia na 6,45 młrd dalaraŭ, abo 29,2%. Na 1 studzienia 2011 hoda jon dasiahnuŭ 28,5 młrd dalaraŭ, abo 52,2% VUP.
Jak paviedamili ŭ Nacyjanalnym banku, u čaćviortym kvartale abjom sukupnaha zamiežnaha doŭhu vyras na 2 młrd 918,8 młn dołaraŭ (na 11,4%) paśla rostu na 2 młrd 422,3 młn (10,5%) u trecim kvartale, na 927,5 młn dołaraŭ (4,2%) — u druhim i na 183,2 młn (0,8%) — u pieršym.
U raźliku na dušu nasielnictva vałavy źniešni doŭh taksama praciahvaje raści: na 1 studzienia 2011 hoda jon skłaŭ 3 tys. 7 dołaraŭ suprać 2 tys. 322 dołaraŭ na pačatak 2010 hoda i 1 tys. 596 dołaraŭ — na pačatak
Pavodle źviestak Nacbanka, na absłuhoŭvańnie zamiežnaha doŭhu ŭ 2010 hodzie było nakiravana 5 młrd 164,9 młn dołaraŭ (9,5% VUP, ci 17,3% ekspartu tavaraŭ i pasłuh). Sa zhadanaj sumy 4 młrd 563,1 młn dołaraŭ skłali vypłaty pa asnoŭnym doŭhu, 601,8 młn dołaraŭ — płaciažy pa pracentach.
Nahadajem, za 2009 hod vałavy źniešni doŭh Biełarusi byŭ pavialičyŭsia na 6,9 młrd dołaraŭ ZŠA, abo na 45,4%, i skłaŭ 22 młrd (45% VUP).
Pavodle niadaŭniaj acenki Mižnarodnaha valutnaha fondu, vałavy źniešni doŭh Biełarusi budzie praciahvać raści.
Vałavy źniešni doŭh składajecca z doŭhu orhanaŭ dziaržaŭnaha kiravańnia, bankaŭ i inšych pradpryjemstvaŭ.
