U Rasii nie ścichajuć žarści vakoł pierajmienavańnia milicyi ŭ palicyju.Akcior Siarhiej Sielin, viadomy šyrokaj publicy dziakujučy svajoj roli apieratyŭnika Dukalisa ŭ sieryjale «Mianty», rezka raskrytykavaŭ supracoŭnikaŭ rasijskaj milicyi ŭ intervju «Komsomolskoj pravdie».
«Vuličnaja milicyja ŭ haradach krainy — heta siniušnyja chłopcy. Ja nie kažu pra ŭsiu milicyju. jość milicyjaniery, jakija sumlenna i ščyra słužać svajoj krainie. Pierajmienavańnie — heta nie hulnia, a, spadziajusia, realnaje žadańnie choć niešta zrabić. Zrušyć ź miortvaj kropki», — cytuje akciora hazieta.
«Pakul słova «milicyjanier» mianie bolš hreje, čym «mient» i «palicejski». Ja nie viedaju, ci budzie nas usich hreć słova «palicejski». Za słovam «milicyjanier» taiłasia niejkaja abarona… Mnie zdajecca, «žandary» bolš adpaviadajuć sučasnamu stanu našaha hramadstva «, — kaža ulubioniec publiki.
«Chaj nie kryŭdziacca na mianie hetyja chłopcy ŭ brudnaj formie z vaśmiu kłasami adukacyi z vuličnaj milicyi, ale ci pravilna budzie źviartacca da ich «haspadzin palicejski»? Napeŭna, tyja, chto choča być «haspadzinam», pavinien padciahvacca pad toj uzrovień, kali źniešni vyhlad i ŭnutranaje ŭtrymańnie buduć adpaviadać «, — cytuje jaho vydańnie.
