U Viciebsku 4 sakavika adbyłosia aśviačeńnie i ŭźniaćcio na zvanicu Śviata-Uśpienskaha kafiedralnaha sabora adzinaccaci zvanoŭ. Siarod ich — zvon vahoj kala 5,2 tony. Jaho vyšynia i dyjamietr — 2 mietry, a vaha čyhunnaha jazyka — 180 kh. Jak paviedamiŭ žurnalistam nastajaciel Śviata-Uśpienskaha kafiedralnaha sabora protajarej Michaił Martynovič, hety zvon — samy vialiki ŭ Biełarusi. «Kali paraŭnoŭvać, to, naprykład, zvon u minskim chramie Usich śviatych važyć mienš, dzieści da 5 ton», — skazaŭ śviatar.
Akramia vielizarnaha zvona, na śpiecyjalny pamost na 40-mietrovaj zvanicy padniali jašče 10 zvanoŭ roznaha pamieru. Samy maleńki ź ich važyć 17 kh. Usie zvany byli adlityja ŭ Maskvie na zavodzie «ZIŁ» na srodki rasijskich miecenataŭ.
Čakajecca, što padviešvać zvany buduć u krasaviku. A letam, padčas fiestyvalu «Słavianski bazar u Viciebsku», płanujecca poŭnaściu zaviaršyć budaŭničyja pracy ŭ Śviata-Uśpienskim sabory, a zatym pravieści zvonavy kancert, u jakim budzie zadziejničany ŭvieś ansambl z 22 zvanoŭ.
«Čakajecca, što hanarovymi słuchačami hetaha kancerta stanuć patryjarch Maskoŭski i ŭsiaje Rusi Kirył i kiraŭnik našaj dziaržavy Alaksandr Łukašenka», — adznačyŭ Michaił Martynavič.
Pavodle BiełaPAN
Chočaš padzialicca važnaj infarmacyjaj ananimna i kanfidencyjna?
Pišycie redaktaru «Našaj Nivy» ŭ TH
