Šosty matč čverćfinalnaj sieryiplej-of Zachodniaj kanfierencyi KCHŁ suprać jarasłaŭskaha «Łakamatyva» staŭ dla minskaha «Dynama» adnym z najlepšych u siezonie, zajaviŭ hałoŭny trenier biełaruskaj kamandy Marek Sikora napres-kanfierencyi paśla zakančeńnia sustrečy.
3 sakavika ŭ Minsku dynamaŭcy zraŭnavali lik u sieryi, pieramohšy sapiernika 5:3 (3:1, 1:1, 1:1). «Dumaju, što balelščyki ŭbačyli dobry chakiej, asabliva z boku „Dynama“. Byli kidki, baraćba, hały, bojki — dobry viečar», — skazaŭ Sikora. Pavodle jaho słoŭ, było niekalki tryvožna, kali ŭ pačatku treciaha pieryjadu jarasłaŭcy skaracili razryŭ da minimumu (3:4), ale ŭ siaredzinie pieryjadu Hłazačaŭ zakinuŭ «pryhožuju šajbu».
Vyrašalny matč adbudziecca 5 sakavika ŭ Jarasłaŭli. Sikora vykazaŭ nadzieju, što składaniej pryjdziecca «Łakamatyvu», jaki jak pieramožca Zachodniaj kanfierencyi ličycca favarytam pary.
Pytańnie, ci niama bojazi za ŭzrovień sudziejstva ŭ Jarasłaŭli, vyklikała ŭ Sikory ŭśmiešku. Paśla paŭzy jon adkazaŭ: «Nie bajusia». «Ja tolki ŭśmichajusia», — dadaŭ hałoŭny trenier haściej Uładzimir Vujtek.
Pavodle jaho słoŭ, hledačy ŭbačyli ŭ Minsku nie taki zakryty chakiej, jak 1 sakavika ŭ Jarasłaŭli. Vujtek ličyć, što ŭ «Dynama» žadańnia pieramahčy było bolš. Jon pavinšavaŭ Sikoru z «zasłužanaj pieramohaj», adznačyŭšy, što dla «Łakamatyva» jašče ničoha nie stračana.
Marek Sikora paviedamiŭ, što «Dynama» źbiarecca 4 sakavika ŭ 11 hadzin, paabiedaje i vylecić u Jarasłaŭl, dzie viečaram praviadzie treniroŭku i pahladzić matč «Naftachimik» — «Avanhard» (čverćfinał Uschodniaj kanfierencyi). Ranicaj 5 sakavika — katańnie i pieradmatčavy schod.
