Litva padtrymlivaje rašeńnie ES abmiežavać ujezd dla biełaruskich čynoŭnikaŭ 1

i nie ŭvodzić ekanamičnyja sankcyi. Pra heta 4 lutaha ŭ Vilni zajaviła prezident Litvy Dala Hrybaŭskajcie

na sustrečy z delehacyjaj Kanhresa ZŠA, jakuju ŭznačalvajuć sienatary Džon Makkiejn i Džozef Libierman.

«Palityka adčynieńnia ES dźviarej dla biełaruskaha naroda, mahčymaść dla biełaruskich hramadzian svabodna padarožničać u miežach šenhienskaj zony, a taksama sproščany vizavy režym źjaŭlajucca lepšym sposabam prademanstravać pieravahi i vyhody demakratyi i žyćcia ŭ svabodnym hramadstvie», — cytuje Hrybaŭskajte jaje pres-słužba.

Pry hetym prezident nazvała ZŠA «klučavym sajuźnikam Litvy i stratehičnym partnioram pa NATO».

Aprača pytańnia ab situacyi ŭ Biełarusi na sustrečy abmiarkoŭvałasia staršynstva Litvy ŭ «Supolnaści demakratyj» i ABSIE, padpisańnie dahavora SNV-III pamiž ZŠA i Rasijaj, udzieł Litvy ŭ mižnarodnaj vajennaj misii ŭ Afhanistanie, paviedamlaje pres-słužba litoŭskaha prezidenta.

Nahadajem, 31 studzienia Jeŭrasajuz uvioŭ vizavyja sankcyi ŭ dačynieńni da 157 słužbovych asob Biełarusi.

U toj ža dzień anałahičnyja sankcyi ŭviali ZŠA. Adnak aprača pašyreńnia śpisa čynoŭnikaŭ, jakim zabaronieny ŭjezd na terytoryju ZŠA, Vašynhton adnaviŭ ekanamičnyja sankcyi ŭ dačynieńni da dvuch biełaruskich pradpryjemstvaŭ — «Połack-Škłovałakno» i «Lidskaja łakafarba».

0

0

0

0

0

0

Anton Taras, BiełaPAN

Chočaš padzialicca važnaj infarmacyjaj ananimna i kanfidencyjna? Pišycie redaktaru «Našaj Nivy» ŭ TH