Na sajcie zarehistravanaj u Čechii arhanizacyi «Małady front» vykłali fotazdymki, jakija chłopiec zrabiŭ niekalki hod tamu padčas školnaj ekskursii ŭ Centr izalacyi pravaparušalnikaŭ.Chłopcam pakazali kamieru ŭ starym korpusie izalatara. Kamiera čysta prybranaja, akuratnaja — u zvyčajny čas jany vyhladajuć horš. Taksama varta adznačyć, što naviednikaŭ zavodzili ŭ adnu z samych śvietłych kamier. U bolšaść ź ich traplaje našmat mienš śviatła.
Heta toje samaje ačko, da jakoha tak ciažka pryzvyčaicca viaźniam. Jano adkrytaje, i znachodzicca prosta nasuprać «vočka» ŭ dźvierach kamiery, u jakoje kožnyja niekalki chvilin zazirajuć nahladčyki. Tearetyčna hetaje «vočka» nielha zakryvać, ale praktyčna bolšaść dziaŭčat zatykaje jaho papierkaju j chucieńka vykarystoŭvaje paru volnych chvilinak, pakul nahladčyk z abureńniem nie adčynić dźvieraŭ, kab vyśviatlić, u čym pryčyna. U novym korpusie prybiralnia maje nievialikuju dźviercu i źmiaščajecca zboku ad dźviarnoha vočka.
Znakamitaja «scena» — draŭlany naścił, jaki zamianiaje łožki. Ni matrasaŭ, ni bializny nie vydajuć. U novym korpusie cyvilizacyja — stajać nary. U časy chapunoŭ na kožnyja nary zvyčajna prypadaje bolš čym pa adnym viaźniu.
U kamierach staroha korpusa nizkaja stol, i da vakna možna daciahnucca. U kamierach novaha korpusa stoli, naadvarot, vysokija, nary — dvuchiarusnyja, a vakiency malupasieńkija. U takich kamierach značna mienš śviatła.
Byvaj, Akreścina! Heta dźviery ŭ kamieru, sfotkanyja zvonku.
