Łukašenka dasłaŭ Hrybaŭskajcie list, u jakim tłumačyć «pierypietyi vybaraŭ» 8

Prezidentka Litvy Dala Hrybaŭskajcie ŭ časie kaladnych śviataŭ atrymała list ad A.Łukašenki, u jakim kiraŭnik Biełarusi tłumačyć «pierypietyi vybaraŭ» — vykładaje pohlad kiraŭnictva krainy na padziei 19 śniežnia. Hrybaŭskajcie maje paznajomić z hetym listom kiraŭnicu dypłamatyi ES Ketryn Eštan.

Jak paviedamlajuć litoŭskija ŚMI, pra heta zajaviŭ pres-sakratar prezidentki Litvy.

Jon adznačyŭ, što Hrybaŭskajcie zaklikała Biełaruś vyjavić «upeŭnienaść u sabie» i vypuścić na svabodu zatrymanych, zabiaśpiečyć paciarpiełym, asabliva Uładzimiru Niaklajevu, usiu nieabchodnuju miedyčnuju dapamohu.

«Kali kiraŭnictva Biełarusi pierakananaje, što vybary vyjhranyja ź pierakanaŭčaj pieravahaj, kali ludzi padtrymlivajuć kiraŭnictva, dyk našto bajacca apazicyi? Našto trymać ludziej za kratami? — rytaryčna pytaŭsia pres-sakratar. — Biassprečna, dziejańni biełaruskich uładaŭ, skiravanyja suprać pradstaŭnikoŭ hramadstva, srodkaŭ masavaj infarmacyi, aryšty, fizičny hvałt — usio heta ŭskładniaje supracoŭnictva z kiraŭnictvam Biełarusi, ale nie ź biełaruskim narodam».

0

0

0

0

0

0

MB

Chočaš padzialicca važnaj infarmacyjaj ananimna i kanfidencyjna? Pišycie redaktaru «Našaj Nivy» ŭ TH