Šlubny seks, niahledziačy na jaho vidavočnuju nieabchodnaść i niesumniennyja plusy, niasie z saboj i nieŭłaścivyja «volnamu kachańniu» prablemy.I kolki b ni žyła siamja, na kožnym etapie ich seksualnyja adnosiny pieraśledujuć usie novyja i novyja pošaści.
Pieršy etap, jaki doŭžycca pieršy sumiesny siamiejny hod, nazyvajecca «Adaptacyja».
Sučasnyja maładyja, na ščaście hety pieryjad prachodziać zadoŭha da źjaŭleńnia štampa ŭ pašparcie.
Adnak sustrakajucca jašče pary, u jakich daśviedčany muž atrymlivaje absalutna niavopytnuju žonačku.
U pieršym vypadku (kali ŭsia fizičnaja adaptacyja ŭžo ŭ minułym) surjoznym vyprabavańniem dla pary stanie psichałahičny pierachod seksu z razradu volnaha ŭ šlubny, z radaści — u abaviazak.
Tut varta nie zabyvać małady seksualny zapał, dazvalać sabie, jak i raniej, zaniacca seksam u supierekstriemalnych umovach i ni ŭ jakim razie nie pierasialacca da baćkoŭ na šyju.Lepš užo abodvum ŭładkavacca na pracu i źniać žyllo — darosłyja ludzi,
U druhim (ciažkim) vypadku asnoŭnaja adkaznaść za budučyniu seksualnaha ščaścia kładziecca na mužčynskija plečy (jak havorycca, chto bolš vopytny, toj i vodzić).
Isnuje vialikaja kolkaść psichałahičnaj litaratury, jakaja dapamoža vyrašyć prablemu
Hetamu mužčynu treba prajavić stolki kłopatu, taktu, niezvyčajnaha techničnaha majsterstva i čałaviečych jakaściaŭ, što možna jašče raz pazajzdrościć tym, u kaho ŭsio heta zdaryłasia daŭno i
Druhi etap drennych navin dla šlubnaha seksu nadychodzić ź ciažarnaściu žonki i zaviecca «Źmiena pryjarytetaŭ».
Zaraz na pieršym miescy ŭ mužoŭ — naradžeńnie i vyroščvańnie spadčyńnika. Tut užo abjektyŭnyja pryčyny nie dazvalajuć viesialicca ŭ raniejšym tempie: «nielha» u pieršym i apošnim trymiestry, a taksama dva miesiacy paśla rodaŭ.
Voś tut užo ŭsia adkaznaść za jakasny seks kładziecca na žonku —joj treba nie zabyvać, što akramia tradycyjnaha seksu, isnuje jašče i piecinh, i aralny seks, jaki moža pieratvaryć hety składany pieryjad u vielmi ramantyčnuju staronku vašaha šlubnaha žyćcia.
Treci etap. Va ŭzroście kala tryccaci hadoŭ (niekatoryja paźniej) mužčyna vychodzić z ŭzrostu hipierseksualnaści i nadychodzić pieryjad «vymušanaj viernaści».
U jaho pastupova źnižajecca ŭzrovień testasteronu.
Darečy, viedajecie, čamu lebiedzi — ŭzory viernaści? U ich samy nizki ŭzrovień testasteronu siarod viadomych «siamiejnych» žyvioł i ptušak.
A voś žančyna, naradziŭšy dzicia, da hetaha ŭzrostu časta tolki ŭvachodzić u hust. Zaraz jana pavinna być hałoŭnaj skrypkaj i prajaŭlać inicyjatyvu ŭ seksie — dziela budučych pieramoh.
Čaćviorty etap. Paśla saraka piaci mužčyny znoŭ pieražyvajuć surjozny seksualny kryzis — tak zvany mužčynski klimaks.
U ich pačynajecca invalucyja i mužčyny ŭžo nie zaŭsiody hatovyja da seksualnaha aktu.
Tut znoŭ (užo katory raz) nieabchodnaja asablivaja ŭvaha i kłopat z boku žančyny da svajho starejučaha kachanaha — inakš, na hlebie uzajemnych nieparazumieńniaŭ, jon vypravicca šukać niekaha bolš dobraha i, chutčej za ŭsio, znojdzie.
A ŭvohule — lubyja drennyja naviny varta ŭsprymać jak padkazki.
Kali niešta drenna, značyć, nadychodzić para dziejničać. A kali my budziem dziejničać — nie budzie ŭ nas i drennych navin. Navat u seksie.