Fiłasofiju možna zrabić z čaho zaŭhodna.Sa zvyčajnaha žadańnia prahulacca hałyšom pad doždžykam - ruch nudzistaŭ, z razhildziajstva i infantylnaha niežadańnia prahinacca pad źmienlivy śviet - vučeńnie chipi, z seksualnaha niaŭstrymańnia ŭ kompleksie z šlubnaj viernaściu - śvinhierstva.
Čaćviora ŭ adnoj paścieli - heta zusim nie raspusta, heta cełaja fiłasofija. Jak havorycca, niama ničoha niemahčymaha dla čałavieka ź intelektam.
Zaŭvažana: u śvinh prychodziać tolki ludzi z vyšejšaj adukacyjaj, stanoviščam u hramadstvie, vysokimi kulturnymi zapytami i aktyŭnaj žyćciovaj pazicyjaj. Nie dziŭna, što śvinh-kłuby, akramia arhanizacyi adpaviednych viečarynak, zajmajucca sumiesnymi padarožžami pa cikavych miescach, arhanizujuć navučańnie eśpieranta i asnovam archieałohii, stvarajuć hurtki pa intaresach, abmieńvajucca samaj modnaj litaraturaj i surjozna ŭpłyvajuć na hramadskaje mierkavańnie pry dapamozie ŚMI i telebačańnia. Adnym słovam, fiłasofija!
U asnovie śvinha - ideja ab abmienie žonkami i mužami, jakaja dapamahaje šlubnaj pary atrymać novyja viedy ŭ halinie seksualnych mietodyk, aśviažyć svaje pačućci i adradzić kachańnie.
Tak-tak, sapraŭdnyja śvinhiery - heta abaviazkova siamiejnyja pary, nijakija niezamužnija i niežanatyja ptušaniaty u śvinh-kłuby nie dapuskajucca. Heta asablivaja siamiejnaje zabaŭka.
Śvinhiery zabaŭlajucca pa-roznamu: heta moža być šlubny seks na vačach u inšaj pary, abmien partniorami ci orhija z udziełam usich čaćviarych udzielnikaŭ, moža być «adzinočnaje płavańnie» muža ci žonki ŭ paścieli paplečnikaŭ pa kłubu.
Kožny moža znajści na śvinh-viečaryncy zabaŭku pa huście: padhladvać, być abjektam padhladvańnia, vykonvać stryptyz abo lubavacca stryptyzam, zaniacca luboŭju z žančynaj, mužčynam, jak zaŭhodna - aby spadabałasia.
Śvinhieraŭ vynajšli, samo saboj zrazumieła, u Amierycy. Hety ruch, napeŭna, prydumaŭ adzin z žurnalistaŭ mužčynskaha časopisa «Mister». A moža, nie prydumaŭ, a tolki adkryta raspavioŭ ab isnujučym zvyčai źmianiacca žonkami z metaj daviedacca, što novaha adbyvajecca ŭ śviecie seksu.
Ciapier užo nieviadoma dakładna, kali pačaŭsia śvinh. U 1957 hodzie ŭ časopisie “Mister” vyjšaŭ artykuł pra śvinhieraŭ, dva miesiacy paśla jaho vychadu miascovaja presa zalivałasia ŭ śviatym žachu, ale potym i sama pacichu stała zhadvać śvinhieraŭ - tema była cikavaj, nakłady raśli, zajaŭki na rekłamnyja abjavy «šukajem siamiejnuju paru dla sumiesnaha viečaru» pastupali bieśpierabojna.
Ideja pajšła ŭ narod. A moža, ź jaho vyjšła - chto ž zaraz viedaje.
Tak što śvinhiery - heta praktyčna fiłosafy, jakija vyznajuć naviznu i kłopat ŭ seksualnych adnosinach, nie pryznajuć saramlivaha zamoŭčvańnia seksualnych žadańniaŭ i aktyŭna šukajuć ščaścia - chaj i krychu ŭ baku ad ahulnapryznanaj marali.
U rešcie rešt, jany nikoha nie prymušajuć pastupać tak ža. Prosta havorać: kali chočacie - sardečna zaprašajem. Razam - viesialej.
