U Kłuba 5000 źjaviłasia novaja padapiečnaja.
Naścia trapiła ŭ ankacentr u 2007-m. Fota krasnapolskaia.livejournal.com
Paśla pieršaj apieracyi dziaŭčynka paśpieła adhadavać svaje čaroŭnyja kudzierki.Fota krasnapolskaia.livejournal.com
Fota krasnapolskaia.livejournal.com
Pra Naściu piša ŭ svaim dziońniku vałanciorka Taćciana Sałdacienka, adna sa stvaralnic dabračynnaj internet-supołki Kłub 5000.
Naścia Navumava — doŭhažychar dziciačaha ankacentra. Jaje ja viedaju z samaha pačatku svajoj vałanciorskaj dziejnaści. Vielmi lublu. I jość za što.
Jana jak maleńki Karłsan z prapieleram na śpinie: paciešnaja, enierhičnaja, śmiešnaja, cikavaja. Naścia nadzvyčaj artystyčnaja, piša vieršy. Ale pry ŭsioj svajoj viesiałości jana vielmi hłybokaja i mudraja. Ja stolki ŭ jaje navučyłasia! Naścia vielmi ścipłaja — nikoli ničoha nie paprosić, navat kali maje patrebu, padarunki prymać spačatku admaŭlałasia, potym prymała čyrvaniejučy. Jana nadziejnaja. Ja vielmi rada, što ŭ mianie jość taki siabar.
U 2007 hodzie Naścia niejak udaryła nahu. Praź niekalki miesiacaŭ na hetym miescy ŭtvaryłasia puchlina. Pastavili dyjahnaz — alviealarnaja rabdamijasarkoma pravaj halonki, II stadyja. Dziaŭčynka mužna pieraniesła 9 kursaŭ chimijaterapii, dźvie apieracyi i kurs pramianiovaj terapii. Amal dva hady jany z babulaj pražyli ŭ ankacentry. Nastupiła palapšeńnie.
Minułym letam Naścia pabyvała ŭ Anhlii ad arhanizacyi «Dzieci ŭ biadzie». Paśpieła adhadavać svaje čaroŭnyja kudzierki.
Ale ŭ 2010 chvaroba dała recydyŭ z parazaj miakkich tkanak pravaha ściahna, levaha vuzła pachvinnaj vobłaści i pravaha lohkaha.
Ja ź ciažkaściu paznała Naściu. Jana vyciahnułasia, pastaleła, z maleńkaha Karłsana pieratvaryłasia ŭ Papiałušku. Z radaściu naziraju, jak za joj dahladajuć chłopčyki. Jana tak ža ścipłaja i nieprystupnaja. Ale samaja važnaja źmiena — u jaje vačach. Klanusia vam, heta nie mietafara. Jany patuchli. Zamiest raniejšaj žyćciaradasnaści ŭ joj ja baču bol i stomlenaść. Naścia z usich sił imkniecca chavać heta — uśmichajecca kutkami vusnaŭ. Ale jaje vydajuć vočy...
Kosny mozh dziaŭčynki źniasileny — chimijaterapiju pravodzić bolš nielha. Zaraz jana prachodzić apramieńvańnie na vobłaść lohkaha i rychtujecca da čarhovaj apieracyi. Ale voś niaŭdača — novaja puchlina akružanaja drobnymi sasudami, i jaje vielmi ryzykoŭna vydalać.
Mama Naści viadzie pieramovy ź niamieckaj klinikaj Charite ŭ Bierlinie. Jany hatovyja ŭziać dziaŭčynku na lačeńnie. Heta budzie kaštavać 150-200 tysiač jeŭra. U bližejšy čas niemcy vyznačacca z kursam lačeńnia — ad hetaha budzie zaležać dakładnaja suma. Jak tolki stanie viadoma, ja raźmiešču tut dakumient z ukazańniem sumy.
Małodšaha brata Naści tolki što taksama praapieravali ŭ dziciačym ankacentry. Chvała Bohu, puchlina apynułasia dabrajakasnaj. Mama hatovaja vieźci dačku ŭ Niamieččynu. Času niašmat. Na siońnia sabrana 15.000 jeŭra. Vy možacie dapamahčy luboj, navat samaj niaznačnaj, sumaj! Prašu vas, dapamažycie majmu siabru!
Kłub 5000 budzie sačyć za zboram srodkaŭ dla Naści i dapamahać. Naścia — naša piataja padapiečnaja.
Kantakty: maci — Navumava Alena Jaŭhienaŭna 8-029-6184756.
REKVIZITY:
AAT AAB «Biełarusbank», filijał № 323, h. Rečyca, vuł. Lenina, 51A
UNP 400230587
MFA 15150682
Biełaruskija rubli:
tranzitny rachunak № 3819382102841 dla zaličeńnia na dabračynny rachunak № 000000032
Dalary ZŠA:
tranzitny rachunak № 3819382107035 dla zaličeńnia na dabračynny rachunak № 8400000000066
Jeŭra:
dla zaličeńnia na dabračynny rachunak № 9780000000021
Rasijskija rubli:
dla zaličeńnia na dabračynny rachunak № 6430000000016
Raźlikovy rachunak № 6111000000093 kod 795 u AAT «ASB Biełarusbank» dla Navumavaj Aleny Jaŭhienaŭny.
Taksama možna pieravieści hrošy dla Naści na naš kašalok EasyPay 08492425 z paznakaj «dla Naści Navumavaj».
