20.25

Prysutnyja praśpiavali himn «Mahutny Boža», a R.Kastusioŭ prapanavaŭ zrabić «Pikiet pamiaci» štohadovym.

Niekalki čałaviek pastavili źnički na hanak budynku KDB.

Akcyja skončanaja.

20.20

Ryhor Kastusioŭ vystupiŭ z karotakj pramovaj, u jakoj uzhadaŭ ab stalinskich represijach ucełym i kankretna ab nočy z 29 na 30 kastryčnika 1937 hodu. Palityk zajaviŭ, što paśla pieramohi ŭ budynku KDB pavinien raźmiaścicca muziej represij.

Prajšła chvilina cišyni.

Da akcyi taksama dałučylisia M.Statkievič, A.Janukievič, V.Siŭčyk, A.Finkievič.

20.10

Ludziej na akcyi pabolšała, zaraz u joj udzielničaje kala 70 čałaviek.

Da Ryhora Kastusiova padyjšoŭ pradstaŭnik pravaachoŭnych orhanaŭ, paprasiŭ nie pieraškadžać ruchu i nie pierakryvać chodnikaŭ i prajezžaj častki.

Ściahoŭ paboleła — zaraz ich šeść. Aleś Łahviniec da svajho ściahu prymacavaŭ žałobnuju čornuju stužku.

Šmat pradstaŭnikoŭ kampanii «Havary praŭdu!». Ad kamandy Sańnikava nikoha nie bačna.

20.00

Akcyja pačałasia.

Prysutničajuć R.Kastusioŭ, V.Rymašeŭski, P.Sieviaryniec, Ju.Hłušakoŭ, A.Michalevič, U.Niaklajeŭ, A.Dźmitryjeŭ.

La biusta Dziaržynskamu nasuprać budynku KDB sabrałasia kala dvuch dziesiatkaŭ čałaviek. Aktyvisty BNF uźniali dva bieł-čyrvona-biełych ściaha. Pačynajuć zapalvać śviečki.

    • «Pikiet pamiaci» pryśviečany trahičnym uhodkam masavaha rastrełu nacyjanalnaj elity ŭ Minskaj turmie NKVD u noč z 29 na 30 kastryčnika 1937 hoda.

    Jak viadoma, u noč z 29 na 30 kastryčnika 1937 hoda ŭ ciapierašniaj turmie KDB byli źniščanyja niekalki dziasiatkaŭ pradstaŭnikoŭ biełaruskaj intelihiencyi.

    Siarod zabitych byli piśmieńniki Aleś Dudar, Todar Klaštorny, Michaś Zarecki, Alaksandr Čarnuševič, Michaś Čarot, dziejačy navuki, kultury, mastactva. Taja noč stałasia apahiejem źniščeńnia biełaruskaj nacyjanalnaj intelihiencyi.

Клас
Панылы сорам
Ха-ха
Ого
Сумна
Абуральна

Chočaš padzialicca važnaj infarmacyjaj ananimna i kanfidencyjna?