Asnoŭnyja vinoŭniki zimovych hałaŭnych bolaŭ — mocnyja vietry, niestabilny hieamahnitny fon i pierapady nadvorja.
Usie hetyja faktary razam ci paasobku vyklikajuć spazmy sasudaŭ hałavy i razdražnieńnie niervovych kančatkaŭ navat u całkam zdarovych ludziej. Kab źniać prystup bolu, kaža
možna źviarnucca da padručnych srodkaŭ.
Prymicie vannu. Dapamoža ciopłaja — da 38–40 hradusaŭ — vada i niekalki kropiel efirnych alejaŭ: ramonku, miaty piercavaj, majaranu i čajnaha dreva. Źmiašajcie niekalki kropiel alejaŭ z marskoj ci pavaranaj sollu abo prosta dadajcie ŭ zvyčajnuju pienu dla vannaŭ. Nie siadzicie ŭ vańnie bolš za 20–25 chvilin. Paśla pracedury vypicie niamocny čaj ź bierhamotam.
Źniać spazm ciahlic i sasudaŭ dapamahaje vodar muskatnaha arecha, fienchielu, apielsinu, razmarynu.
Kupicie ŭ aptecy zbor ź liścia i kvietak łavandy i mielisy. Ich advar — pravierany srodak ad hałaŭnoha bolu, vyklikanaha napružańniem ci spazmami.
Možna pakłaści na skroni limonnuju łupinu, ačyščanuju ad miakaci, patrymać niekalki chvilin. Za košt aktyŭnych rečyvaŭ cedry palepšycca krovazvarot i tonus drobnych sasudaŭ hałavy.
Śpirtavy nastoj limonnaj łupiny abo vierchniaha jaje słoju — cedry — vałodaje zaspakajalnym dziejańniem i pry nieŭrałahičnych zachvorvańniach.
