Były palitviazień i kandydat na pasadu prezidenta Alaksandr Kazulin adkazaŭ na niekalki pytańniaŭ «Našaj Nivy».
«Naša Niva»: Kaho padtrymlivajecie na hetych vybarach?
Alaksandr Kazulin: Jość dobryja kandydaty, jakich možna padtrymać. Ich proźviščy vidavočnyja. Heta ludzi, jakija majuć prafiesijny vopyt, dobryja śpiecyjalisty.
«NN»: Sańnikava majecie na ŭvazie?
AK: I Sańnikava, i inšych. Pytańnie nie ŭ tym, kab kahości padtrymlivać piersanalna. Važna padtrymlivać vyniki. A vynikaŭ niama ni ŭ kaho z kandydata.
«NN»: A jaki ŭ vas prahnoz na raźvićcio paślavybarčych padziej?
AK: Moža być absalutna roznaje. Ale šancaŭ, što Łukašenka sydzie niama nijakich. Jon jašče zastaniecca.
«NN»: Dyk tady apazicyjanieram, moža, varta było b źniacca z vybaraŭ?
AK: Kali ŭsie miž saboj damoviacca, to heta było b mocnym rašeńniem.
«NN»: Dyk možna čakać Vašaha źjaŭleńnia ŭ kamandzie adnaho z kandydataŭ?
AK: Ja nie mahu brać udzieł u tym, što nie prynosić vynikaŭ.
«NN»: A jak u Vas spravy? Byli čutki, što nibyta Vy emihravali z krainy?
AK: U mianie ŭsio dobra. Ja nie dla taho praz stolki prajšoŭ, kab źjazdžać.
