Ci mahčyma raspavieści historyju naroda za dziesiać chvilinaŭ? Jak bačym, možna. Kab pierakanacca ŭ hetym, dastatkova zirnuć hety multfilm, jaki ŭ vielmi dachodlivaj formie pakazvaje historyju Polščy:
Varta adznačyć, što hety multfilm zrabiŭsia chitom suśvietnaj vystavy EXPO 2010 u Šanchai. Stvaryŭ videa vybitny polski animatar Tamaš Bahiński.
A ci jość niešta padobnaje na biełaruskuju tematyku? Voś, naprykład, hetaja animacyja była stvoranaja Aleksam Banieckim dla Fiestyvala nacyjanalnych kulturaŭ, jaki prajšoŭ u 2010 h. Vyšejšaj škole kamercyi i prava imia Łazarskaha (Varšava):
Kaniečnie, biełaruski film hladzicca bolš prostym za toj, jaki stvaryŭ polski animatar. Razam z tym, nie varta zabyvacca na toje, polskija animatary mieli mahutnuju padtrymku dziaržavy: hrošy na stvareńnie multfilma pra historyju Polščy dało Polskaje ahienctva raźvićcia pradprymalnictva.
Z adnaho boku, u Biełarusi dosyć dyzajnieraŭ, jakija byli b zdolnyja zrabić film, prynamsi, nie horšy za polski. Ź inšaha, badaj, bieź finansavaj padtrymki ździejśnić prajekt takoha maštabu niemahčyma.
A moža być niechta ŭžo stvaraje niešta padobnaje? Kali tak, to padzialiciesia infarmacyjaj ci spasyłkaj u kamientarach!
