Biełaruskaja madel Anabel Bielikava ŭ adnym šerahu z aktorkaj i śpiavačkaj Skarlet Jochansan stała tvaram novaj kalekcyi MANGO vosień-zima 2010-2011.
Anastasija - adna z samych paśpiachovych biełaruskich madelaŭ u suśvietnaj industryi mody. U 15 hadovym uzroście jana prajšła kastynh u madelnym ahienctvie Siarhieja Nahornaha. Praź niekalki tydniaŭ školnicu z Bresta zaprasili pracavać u Japoniju. Naścia tady tolki skončyła vośmy kłas.
Nastupnym punktam u karjernym roście staŭ Paryž, dzie Anastasija vymušana była źmianić imia. Naściaŭ u Paryžy chapała, tamu dziaŭčynka stała Anabel. Pieršaj prykmietnaj pracaj pad novym imiom było supracoŭnictva z Prada. Padčas kastynhu dla pakazu viasna-leta 2007 madel nastolkispadabałasia Miuččie Prada, što nieŭzabavie debiutavała na miłanskim podyumie. Potym stała tvaram viasieńnie-letniaj kalekcyi hetaha modnaha doma, dla jakoj jaje fatahrafavaŭ prafiesijanał fashion-fota Styvien Miejziel.
Nieŭzabavie Anabeła pačała źjaŭlacca ŭ rekłamie brendaŭ, pra jakija, mahčyma, jašče i nie maryła - Nina Ricci, Balenciaga. Žurnalisty adrazu nazvali jaje zorkaj viasnovych pakazaŭ 2007 hoda.
Imklivy karjerny rost Anabeły ździŭlaŭ: usiaho za 1.5 hady jany stała viadomaj u śviecie mody. Kaniešnie była ryzyka takoha ž chutkaha «padzieńnia», kali raptam źjavicca moda na dziaŭčat ź inšaj źniešnaściu. Adnak Anabeła zdoleła pierajści z katehoryi «podyumnych medelaŭ» u «top madeli»: jaje pačali zaprašać u rekłamu i na akcyi modnych brendaŭ (naprykład, dla kampanii PHILOSOPHY DI ALBERTA FERRETTI u 2010 hodzie).
Užo druhi hod Anabeła źjaŭlajecca tvaram brenda Vera Wang, dyzajnier jakoha šyje lepšyja ŭ śviecie viasielnyja sukienki. Ciapier Anabeła, akramia vobrazu ścipłaj, śviežaj i dziciačy niepasrednaj niaviesty ŭ adzieńni Vera Wang, dapoŭniła kalekcyju vobrazaŭ dziorskaj, niepakornaj, ale stylovaj dziaŭčyny ŭ adzienńni ad Mango.
Asnovaj novaj kalekcyi Mango stali samyja jaskravyja trendy ź mižnarodnaha podyuma. Adnak pa dobraj tradycyi brenda usie madeli intapretavanyja pad «realnych» sučasnych dziaŭčat, tamu kalekcyja 2010-2011 pazicyjanujecca jak vyklučna praktyčnaje adzieńnie.
Dyzajniery Mango zapazyčyli ź mižnarodnaha podyuma šorty i spadnicy sa skury , jakija ŭ kollekcyi Mango vydatna spałučajucca z utulnymi viazanymi kardzihanami (bavaŭniany žakiet, biez kaŭniara, na huzikach, z hłybokim vyrazam) i błuzami z šyfonu. Adzin z samych papularnych materyjałaŭ vosieńskaha siezona — aksamit. Taksama aktualnyja sukienki-maksi i spadnicy.
Kali razhladać koleravuju hammu, to novaja kalekcyja Manho bolej za ŭsio nahadvaje asieńnie-zimovy harderob ad brytanskaha modnaha brenda Barbierry (Burberry) — tyja samyja adcieńni šakaładnaha, karyčnievaha i bežavaha.
