Napiaredadni novaha navučalnaha sezonu — tradycyjny ažyjataž na kvaternym rynku.
Daloka nia ŭsich studentaŭ VNU zabiaśpiečvajuć internatam, tamu mnohija vymušanyja zdymać kvatery ci pakoi. Ale, jak śviedčyć statystyka, tolki blizu paŭsotni tysiač ułaśnikaŭ u Biełarusi płaciać padatki z prybytku za zdadzienyja kvadratnyja metry. Nakolki ryzykoŭna zdavać kvateru ŭ arendu biez aformlenaj damovy?
Pavodle hałoŭnaha statystyčnaha ŭpraŭleńnia Miensku, bolš za 20 tysiač čałaviek majuć u pryvatnaj ułasnaści pa dźvie kvatery.Tryma kvaterami vałodajuć krychu bolš za paŭtysiačy mienčukoŭ, čatyrma i bolej — try dziesiatki. Pakazalna, što kolkaść «šmatkvaternych» za apošnija piać hadoŭ pavialičyłasia amal napałovu. Kolkaść tych, chto zdaje kvatery aficyjna, składaje 28 tysiač. Haradzki biudžet dziakujučy sumlennym ŭłaśnikam za pieršaje paŭhodździe razbahacieŭ na 6,5 miljardy rubloŭ. Kolki narodu zajmajecca takim biznesam padpolna — dakładna nia viedaje navat milicyja. U Mienharvykankamie ličać, što pa šerych schiemach zdajecca kožnaja druhaja kvatera. U hetaj suviazi aktyvizavalisia padatkaviki: letaś, u vyniku pravierki zvyš za 400 ŭłaśnikaŭ, štrafy za prychavanyja prybytki pieravysili 124 miljony rubloŭ.
Anatol Vitkoŭski daŭno pracuje ŭ Miensku, ale ŭłasnaj kvateraj tak i nie razžyŭsia. Niekalki apošnich hadoŭ apłačvaje nia tolki zdymnaje žyllo, ale, pa damovie z haspadarom, i padachodny padatak. Raskazvaje, što suma adličeńniaŭ vahajecca ŭ zaležnaści ad mnohich faktaraŭ: da ŭłasna arendy zimoj jašče 200 tysiač atrymlivajecca źvierchu…
«Usio zaležyć ad rajonu, dzie ty zdymaješ, ad miescaznachodžańnia kvatery. Biarecca na ŭvahu sam dom — chruščoŭka heta ci panelny budynak, pobač z metro ci na addalenaści.Košt u asnoŭnym vahajecca ad 1 da 2 bazavych vieličyń štomiesiac. Ja płaču paŭtary — krychu bolš za 52 tysiačy rubloŭ. Pamier zaležyć u pieršuju čarhu ad miesca znachodžańnia domu i kvatery. Ale mieniej za 1 bazavuju vieličyniu niama. U mianie jość aficyjnaja damova, jana padpisanaja. U svoj čas jany była zaklučanaja na hod i aŭtamatyčna padaŭžajecca. To bok, atrymlivajecca, što płaču dzieści 60 tysiač rubloŭ za kamunałku letam i 120 tysiač zimoj, bo ličylniki nie stajać, plus 52 tysiačy padatku, telefon. Karaciej, da ŭłasna arendy zimoj jašče 200 tysiač atrymlivajecca źvierchu».
Samyja darahija z hledzišča padatkaŭ — kvatery ŭ centry Miensku. Tak, za zdaču ŭnajom dvuchpakajoŭki ŭzdoŭž praspektu Niezaležnaści padachodny padatak składaje 4 bazavyja vieličyni štomiesiac — 140 tysiač rubloŭ. Dla paraŭnańnia, spłata za analahičnaje žyllo ŭ spalnych rajonach ciahnie napałovu mieniej — 2 bazavyja vieličyni ci 70 tysiač rubloŭ.
Haradzkija ŭłady rapartujuć, što, jak ni dziŭna, samymi ŭzornymi płacielnikami źjaŭlajucca jakraz uładalniki elitnaha žylla ŭ prestyžnych rajonach. Kvatery
Pa linii metro ŭ panelnym domie možna źniać za 200 dalaraŭ na miesiac…
«Upali košty, pryčym zaŭvažna. Pa linii metro ŭ panelnym domie možna źniać za 200 dalaraŭ na miesiac, choć jašče letaś było 300.Dumaju, što zaraz kvateru
Adnak specyjalisty ličać, što navat ciapierašnija košty na nieruchomaść u Biełarusi, asabliva ŭ stalicy, zavyšanyja.Kvatery ŭ Miensku daražejšyja, čym navat u niekatorych krainach Eŭraźviazu. Biznesoviec Juryj Dańkoŭ ličyć, što šaniec nažycca na deficycie žylla nie ŭpuskaje nivodnaja struktura, dałučanaja da pracesu ŭźviadzieńnia damoŭ:
«Nu jak heta možna było dapuścić, kab tak kaštavała žyllo? Navat ja sa svaim prybytkam nia maju mahčymaści pabudavać kvateru pa takim košcie. Ja hladžu z boku i nie razumieju: adkul biarecca taki košt? Adkul takija raźliki? A heta, akazvajecca, na čym nadzimajecca? Prajekciroŭščyki košty ŭvalvajuć, meryi haradoŭ, ci jak u našym vypadku Mienharvykankam, nakručvajuć hrošy na ziamlu. Jak ziamla moža kaštavać takija hrošy, što heta za cana, čym jana abumoŭlenaja? Tudy što, prakłali novyja kamunikacyi, tudy što, praviali metro? Dy nie, prosta chtości pryjšoŭ i skazaŭ: aha, heta kaštavała dalar, niachaj zaraz budzie kaštavać tysiaču dalaraŭ. Voś i ŭsia arytmetyka».
