Suśvietny finansava-ekanamičny kryzis paciahnuŭ za saboj rost śmiarotnaści ad sardečna-sasudzistych zachvorvańniaŭ u mnohich krainach śvietu, uklučajučy Biełaruś. Pra heta na pres-kanfierencyi 27 lipienia ŭ Minsku zajaviŭ dyrektar Respublikanskaha navukova-praktyčnaha centra «Kardyjałohija» Alaksandr Mročak.
Tak, u 2009 hodzie ŭ Biełarusi ad sardečna-sasudzistych zachvorvańniaŭ pamierli prykładna 73 tysiačy čałaviek — amal na 3 tysiačy bolš, čym u 2008 hodzie. Zaraz nazirajecca tendencyja źnižeńnia śmiarotnaści ad chvarob sistemy krovazvarotu.
Mročak zaznačyŭ, što pierachodnyja pieryjady zaŭsiody najbolš balučyja dla hramadstva: parušajecca zvykły chod žyćcia, častka ludziej stračvajuć pierśpiektyvy. Hetak ža, pavodle jaho słoŭ, adbyvajecca abvastreńnie sardečna-sasudzistych zachvorvańniaŭ u pieryjady źmieny klimatyčnych umoŭ.
Siońnia pryblizna 54% śmiarotnych vypadkaŭ u krainie źviazany mienavita z sardečna-sasudzistymi zachvorvańniami, paviedamiŭ dyrektar centra. Asnoŭnymi faktarami ryzyki raźvićcia takich chvarob Mročak nazvaŭ kureńnie, užyvańnie ałkaholu, stresy, pavyšanuju masu cieła, małaruchomy ład žyćcia i da t.p. Aprača taho, raźvićcio sardečna-sasudzistych zachvorvańniaŭ moža być abumoŭlena spadčynnymi faktarami i abjektyŭnymi pryčynami — sacyjalna-ekanamičnymi ŭmovami, ekałohijaj.
BiełaPAN
Chočaš padzialicca važnaj infarmacyjaj ananimna i kanfidencyjna?
Pišycie redaktaru «Našaj Nivy» ŭ TH
