Alaksandr Łukašenka sumniavajecca ŭ tym, što biełaruskaja apazicyja vyłučyć adzinaha kandydata dla ŭdziełu ŭ majučych adbycca prezidenckich vybarach.
«Nadziei, što jany vyznačać adzinaha kandydata — Ivanova, Piatrova, Sidarava — i «zadušać» dziejnaha prezidenta — padmanlivaja», — zajaviŭ žurnalistam Alaksandr Łukašenka ŭ piatnicu, padčas rabočaj pajezdki pa Homielskaj vobłaści.
«Što tyčycca hetych palitykaŭ — zdavałasia b, vyznačcie dvuch, nu — troch kandydataŭ, ale nie 10. Ale ž jany nie mohuć vyznačycca», — skazaŭ Łukašenka.
Havoračy pra vierahodnaść svajho ŭdziełu ŭ vybarach, Łukašenka pryznaŭsia: «Ščyra kažučy, ja nie vielmi ŭciahnuty ŭ hetyja pieradvybarnyja) pracesy. My jašče nie padumali pra toje, jaki pavinien być štab, i pra inšyja pytańni».
0
0
0
0
0
0
