Viaźni Ŭładzimier Asipienka i Michaił Kazłoŭ, asudžanyja pa spravie Mikałaja Aŭtuchoviča, nieŭzabavie mohuć vyjści na volu pa amnistyi, jakaja ŭstupiła ŭ siłu. Aŭtuchovič pad amnistyju nie patrapić.
Amnistyja ŭ źviazku z
Pavodle źviestak, Mikałaj Aŭtuchovič nie padpadaje pad amnistyju, bo asudžany za złačynstva, jakoje ździejśniŭ, nie adbyŭšy jašče papiaredniaha pakarańnia.Što da Ŭładzimiera Asipienki, to ŭ Ivacevickaj kalonii, dzie jaho trymajuć, užo pačali rychtavacca da amnistyi, paviedamiła jahony advakat Tamara Sidarenka.
Tamara Sidarenka: «Asipienka rychtujecca vyjści. Ich źbirali, tych, kaho buduć vypuskać. Ale dakładna kali — heta zaležyć ad administracyi. Hetyja źviestki ja atrymała ad dački Asipienki Ludmiły, jakoj jon dasłaŭ list. Jana spadziajecca, što tata chutka budzie na voli».
Pavodle advakata, va Ŭładzimiera Asipienki zastałasia mahčymaść nakiravać nahladnuju skarhu na prysud, i paśla vychadu na volu jon jašče moža heta zrabić:
Tamara Sidarenka: «Mahčyma, budzie abskardžvać. Bo abvinavačańnie ŭ zachoŭvańni zbroi, jakoj jon nikoli nia bačyŭ, miarkuju, pryciahnutaje za vušy».
Uładzimier Asipienka byŭ asudžany na 3 hady źniavoleńnia za zachoŭvańnie zbroi. U spravie fihuravaŭ pakunak z tołavymi šaškami i staroj strelbaj, jakuju nibyta na zahad Asipienki schavali ŭ race pad Vaŭkavyskam. Pavodle śledztva, zbroja pryznačałasia dla teraktaŭ suproć vysokapastaŭlenych čynoŭnikaŭ. Miž tym Asipienka heta abviarhaŭ, a śviedki davali supiarečlivyja źviestki jak pra zbroju, tak i pra miesca jaje zachavańnia.
Ci chutka padpadzie pad amnistyju jašče adzin fihurant spravy, były milicyjant Michaił Kazłoŭ? Pavodle śledztva, Kazłoŭ viedaŭ, što Aŭtuchovič i Asipienka razam ź jašče adnym saŭdzielnikam, Łarynym, rychtavali terakty, ale nie paviedamiŭ pra heta adpaviednym ustanovam. I chacia sud nie ŭstanaviŭ, što padrychtoŭka da teraktaŭ sapraŭdy była, Michaił Kazłoŭ byŭ asudžany na 2 hady za nievykanańnie słužbovych abaviazkaŭ. Advakat Barys Laskoŭski paviedamiŭ «Svabodzie», što amnistyja ŭ lubym vypadku paŭpłyvaje i na los Michaiła Kazłova.
Barys Laskoŭski: «Jon padpadaje pad artykuł ab skaračeńni terminu pakarańnia na 1 hod. Ja źviarnuŭsia ŭ sud pa daviedku, što ŭ jaho niama parušeńniaŭ i zapazyčanaści i niama da jaho pazovaŭ. Čakaju, kali mnie daduć takuju daviedku, i adpraŭlaju jaje da jaho ŭ kaloniju».
Karespandent: «Ci moža jon vyjści na volu ŭ vyniku hetaha skaračeńnia terminu?»
Barys Laskoŭski: «Tut u nas dva varyjanty. Kali da jaho ŭžyvuć amnistyju zaraz, da
Karespandent: «Takim čynam, u lubym vypadku jon chutka vyjdzie na volu?»
Barys Laskoŭski: «Tak. Paśla
Pavodle advakata, Michaił Kazłoŭ adbyvaje pakarańnie ŭ kalonii
U Departamencie vykanańnia pakarańniaŭ peŭnyja terminy stasavańnia amnistyi da Asipienki i Kazłova nie nazyvajuć.
Pavodle ministra ŭnutranych spraŭ Anatola Kulašova, z turmaŭ, kalonij i hetak zvanaj «chimii» ŭ vyniku amnistyi vyjdzie bolš za 3 tysiačy čałaviek, termin źniavoleńnia kala 10 tysiač viaźniaŭ budzie skaročany. Usiaho ŭ Biełarusi adbyvajuć pakarańnie ŭ roznym vyhladzie kala paŭsotni tysiač čałaviek.
