Za ŭzłom sajta Hrodzienskaha dziaržuniviersiteta19-hadovy chakier zapłacić štraf u pamiery bolšym za Br4,5 młn. Prysud vyniesieny sudom Kastryčnickaha rajona horada Hrodna, paviedamili ŭpres-słužbie ŭpraŭleńnia KDB pa Hrodzienskaj vobłaści.
U listapadzie 2009 hoda małady čałaviek, jaki nidzie nie pracuje i nie vučycca, ŭzłamaŭ adzin z sajtaŭ Hrodzienskaha dziaržuniviersiteta imia Janki Kupały. Matyŭ złačynstva akazaŭsia davoli niezvyčajnym: junak vyrašyŭ dakazać sistemnym administrataram svaju vysokuju kvalifikacyju. Asoba chakiera była ŭstanoŭlena ŭ studzieni ŭ chodzie vyšukovych mierapryjemstvaŭ upraŭleńniem KDB pa Hrodzienskaj vobłaści. Jon navat nie sprabavaŭ admaŭlać svaju datyčnaść da ŭzłomu sajta, a svaje dziejańni ličyŭ prosta dziciačym svavolstvam.
Małady čałaviek asudžany pa č. 2 art. 349 i č.1 st.354 Kryminalnaha kodeksa Respubliki Biełaruś («Niesankcyjanavany dostup da kampjuternaj infarmacyi», «Raspracoŭka, vykarystańnie albo raspaŭsiud škodnych prahram»).
Sankcyi artykułaŭ praduhledžvajuć adkaznaść ad štrafu da pazbaŭleńnia voli na termin da 2 hadoŭ.
