Kamanda Siarhiej Michałka prezientavała svoj jeŭrapiejski albom «Agitpop» u Hiermanii.
Na aficyjnym sajcie hurtu raspaviadajecca, jak biełarusaŭ prymali ŭ Bierlinie, Drezdenie i Hamburhu.
U niamieckaj stalicy 17 červienia «Lapisu Trubiackomu» pryjšłosia adkłaści kancert na hadzinu. Vystupleńnie supała z adnym z matčaŭ čempijanatu śvietu pa futbole. Razam z zaŭziatarami muzyki hladzieli futboł u dvoryku kłuba Festsaal Kreuzberg. A paśla ŭsie razam adciahvalisia pad muzyku biełaruskaj kamandy.
Na nastupny dzień hurt vystupiŭ u Drezdenie, rodnym horadzie Siarhieja Michałka. Biełarusy byli chedłajnierami na fiestyvali Lustgarten. Pa słovach pradziusiera hurtu Jaŭhiena Kałmykova,
publika navat padpiavała, niahledziačy na toje, što ruskuju movu mała chto viedaje.
Kancert u Hamburhu prajšoŭ nie mienš udała. A niamiecki arhanizatar paśla vystupleńnia adznačyŭ: «Ja adčuŭ kulturałahičny šok!»
I ŭ paŭtara razy pavialičyŭ hanarar muzykam.
Jeŭrapiejskija kancerty praciahvajucca. 3 lipienia «Lapis Trubiackoj» zajhraje na češskim feście Rock For People, 17 lipienia — na polskim «Basoviščy», a 13 žniŭny — na vienhierskim Sziget.