Kala 20 čałaviek ź Vilejki i Minsku ŭziali ŭdzieł ŭ akcyi la v. Kasuta Vilejskaha rajonu, dzie ŭ červieni 1941 byli rasstralanyja viaźni vilejskaj turmy. U 1994 hodzie tut byli ŭstalavanyja złučanyja haryzantalnaj pieramyčkaj katalicki i pravasłaŭny kryžy. U 2007 hodzie hramadskaściu byli ŭstalavanyja novyja kryžy zamiest sparachniełych starych.
Mierapryjemstvy ŭ hetym miescy ładziacca štohod.
La kryžoŭ ajciec Ihar pravioŭ nabaženstva. Alaksiej Siudak, redaktar vydańnia «Vołat», apavioŭ pra miescy rasstrełaŭ na «darozie śmierci
La kryžoŭ byŭ ustalavany stend ź infarmacyjaj pra rasstreły viaźniaŭ i pra status hetaha miemaryjała.
Potym usie skiravalisia na «Lasnyja» mohiłki ŭ Vilejcy, dzie pierapachavanyja viaźni vilejskaj turmy, pareštki jakich byli znojdzienyja ŭ 1994 hodzie. La vałuna ŭskłali kvietki i zapalili śviečki.
Apošnim punktam, dzie prysutnyja na mierapryjemstvie ŭskłali kvietki, było miesca la v. Krasny Bieražok. Tam u 1950 hodzie byŭ rasstralany stvaralnik moładzievaha antybalšavickaha padpolla Raścisłaŭ Łapicki. Na hetym miescy hramadskaść Vilejki ŭ 2008 hodzie ŭstalavała pamiatny vałun, jaki paźniej źniščyli ŭłady. Potym hramadskija aktyvisty ŭstaloŭvali tam kryžy, jakija taksama źniščalisia.
Arhanizatarami vystupili Vilejskaja supołka Tavarystva achovy pomnikaŭ, siekcyja «Miemaryjał» Tavarystva achovy pomnikaŭ,
Fota — Dzianis Kaniecki i Alaksiej Siudak
