Jak paviedamiŭ pres‑sakratar Homielskaha abłasnoha ŭpraŭleńnia MNS Rusłan Habryloŭ, na 30‑hadovaha mužčynu pry razhruzcy ŭpała cokalnaja panel masaj 2,5 tony. Rabočy ŭ hety momant znachodziŭsia ŭ kuzavie aŭtamabila. Ad atrymanych traŭm jon pamior na miescy.
Mužčyna pracavaŭ u kamunalnym daččynym budaŭničym unitarnym pradpryjemstvie «Dobrušskaja pierasoŭnaja miechanizavanaja kałona № 95», jakoje zajmajecca budaŭnictvam adnakvaternych žyłych damoŭ siadzibnaha typu ŭ vioscy Kuźminičy.
Pavodle infarmacyi pres‑sakratara, pryčynaj padzieńnia paneli staŭ razryŭ dracianych pietlaŭ. U krana, jaki naležyć Dobrušskaj PMK‑95, akazalisia niaspraŭnymi prybory biaśpieki. Apošniaje abśledavańnie krana pravodziłasia ŭ krasaviku 2004 hoda, a ŭ lutym 2008‑ha jaho ekspłuatacyja była zabaroniena inśpiektaram Homielskaha abłasnoha ŭpraŭleńnia Dziaržpramnahladu. Vyśvietliłasia taksama, što zahinuły nie mieŭ paśviedčańnia stropalščyka.
Takim čynam, jak miarkujuć, pryčynami niaščasnaha vypadku stała parušeńnie praviłaŭ vytvorčaści rabot kranami, ekspłuatacyja zabaronienaha abstalavańnia i dopusk da pracy nieatestavanaha piersanału.
Abstaviny niaščasnaha vypadku rasśleduje Dobrušskaja rajonnaja prakuratura.
