19 maja žurnalistki Iryna Chalip, Śviatłana Kalinkina, Maryna Koktyš i Natalla Radzina byli znoŭ vyklikanyja ŭ Pieršamajski RUUS Minska.
Pavodle Kalinkinaj, śledčy homielskaj milicyi Pusieŭ viarnuŭ joj fłeš‑kartki i pry hetym paviedamiŭ, što dadatkovaja ekśpiertyza ničoha supraćzakonnaha ŭ kanfiskavanaj u Kalinkinaj technicy nie znajšła.
Ekśpiertam była pastaŭlena zadača znajści dokazy taho, što z kampjutaraŭ viałosia redahavańnie sajtaŭ «Chartyja'97» i «Biełaruski partyzan».
Adnak niahledziačy na heta, Śviatłanie Kalinkinaj nie viarnuli kampjutar, patrebny joj dla pracy. Sp‑nia Kalinkina napisała zajavu, u jakoj vykazała abureńnie z hetaj nahody. Śledčy skazaŭ, što ŭ kampjutary znajšli niejkuju prahramu, ale ekśpierty nie zdoleli vyznačyć, što heta takoje. Sama Kalinkina miarkuje, što heta virus, jaki moh trapić praź internet.
Maryna Koktyš paviedamiła, što śledčy Pusieŭ mieŭ namier pravieści ź joj jašče adzin dopyt, treci pa liku. Maryna admoviłasia, spasłaŭšysia na toje, što ničoha novaha jana nie skaža.
Śledčy viarnuŭ joj dysk, na jakim zapisany film «Doktar Chaŭc», i kartu pamiaci ad fotaaparata. Pry hetym jon paviedamiŭ Marynie, što kampjutar joj nie addaduć, a pakinuć u milicyi ŭ jakaści rečyŭnaha dokazu.
Na dopyt pajšła redaktar sajtu «Chartyja‑97» Natalla Radzina.
