Bolš za 80 svajakoŭ kirhiskich hramadzianaŭ, jakija zahinuli 7 krasavika ŭ centry Biškieku, praviali akcyju pratestu kala budynku ambasady Biełarusi z patrabavańniem vydačy byłoha prezydenta Kurmanbieka Bakijeva, jakoha abvinavačvajuć u masavych zabojstvach.
Na budynku ambasady Biełarusi visić abjava, što pa techničnych pryčynych jana nie pracuje. Nichto z dyplamataŭ da ŭdzielnikaŭ akcyi nia vyjšaŭ, pieradaje Interfaks.
Svajaki zahinułych paviesili na aharodžu niekalki plakataŭ z zaklikam da kiraŭnika Biełarusi vydać Kyrhyzstanu Kurmanbieka Bakijeva. Taksama na plakatach napisana: «Bakijeŭ — zabojca i kat», «Bakijeŭ, budź mužčynaj, lepš zastrelsia!»
Kurmanbiek Bakijeŭ znachodzicca ŭ Biełarusi ad 19 krasavika. 4 traŭnia kiraŭnica časovaha ŭradu Kyrhyzstanu Roza Atunbajeva padpisała dekret adnosna pazbaŭleńnia jaho prezydenckaj niedatykalnaści. U toj ža dzień biełaruski kiraŭnik Alaksandar Łukašenka skazaŭ, što nie źbirajecca vydavać Bakijeva novym kirhiskim uładam.
Novyja ŭłady Kyrhyzstanu abvinavačvajuć byłoha prezydenta Kurmanbieka Bakijeva ŭ zabojstvach i pieravyšeńni słužbovych paŭnamoctvaŭ. Kirhiskaja Hienprakuratura nakiravała ŭ Miensk zapyt na jaho ekstradycyju.
