Ministerstva pryrodnych resursaŭ i achovy navakolnaha asiarodździa Biełarusi inicyjuje raboty pa dastavańni z voziera Rudakova, raźmieščanaha ŭ nacyjanalnym parku «Naračanski», zatoplenaha korpusa viertalota Mi‑2.
Jak paviedamiŭ načalnik adździeła ekśpiertyzy pramysłovych abjektaŭ upraŭleńnia dziaržaŭnaj ekałahičnaj ekśpiertyzy Ministerstva pryrodnych resursaŭ i achovy navakolnaha asiarodździa Vasil Kavalenka, u
pačatku 2010 hoda Biełaruskaja fiederacyja padvodnaha sportu źviarnułasia da Minpryrody z prośbaj dazvolić zatapleńnie fiuzielaža viertalota Mi‑2 u voziery Rudakova.
U zatoplenym viertalocie płanavałasia pravodzić padvodnyja ekskursii, navučać akvałanhistaŭ i vadałazaŭ.
Z dazvołu administracyi nacyjanalnaha parku «Naračanski» i Minpryrody 26 sakavika zatapleńnie było praviedziena.
Adnak nieŭzabavie paśla hetaha zaniepakojenaść stanam voziera vykazali vučonyja BDU, adznačyŭ Kavalenka. Jany śćviardžali, što z časam mietał, ź jakoha zrobleny korpus viertalota, padvierhniecca karozii i pryviadzie da parušeńnia ekałohii voziera, hibieli ŭ im ryby.
Jak paviedamiŭ Kavalenka, u vyniku pravierki Minpryrody pa fakcie zvarotaŭ hramadskaści byli vyjaŭleny parušeńni pryrodaachoŭnaha zakanadaŭstva pry praviadzieńni zatapleńnia viertalota. Akazałasia, što fiuzielaž viertalota pahnuty, farba miescami adstała ad korpusa, unutry jaho jość pabočnyja pradmiety. Jak zaklučyŭ śpiecyjalist
,u takim vyhladzie korpus viertalota ŭjaŭlaje niebiaśpieku jak dla ekałohii voziera, tak i dla zdaroŭja akvałanhistaŭ.
Pavodle słoŭ Kavalenki, u suviazi z vyjaŭlenymi parušeńniami Minpryrody źviarnułasia ź listami ŭ Biełaruskuju fiederacyju padvodnaha sportu i administracyju Nacyjanalnaha parku «Naračanski» z pradpisańniem da 30 maja ažyćciavić padjom fiuzielaža viertalota Mi‑2 sa dna voziera. Ab padjomie viertalota Minpryrody pavinna być prainfarmavana da 7 červienia.
Voziera Rudakova raźmieščana pamiž aziorami Narač i Miadziel u nacyjanalnym parku «Naračanski». Jaho płošča składaje 0,24 kv. km, vadazbor — 1,16 km.
