Ukraina choča dabicca źnižeńnia cany hazu ŭzamien za sastupki ŭ pastaŭkach atamnaha paliva.
Novy prezident Ukrainy pačynaje vykonvać pieradvybarnyja abacianki. Adno ź ich — panižeńnie cany rasijskaha hazu. Ciapier ukraincy płaciać $337 za tysiaču kubamietraŭ. Novaja cana, pa infarmacyi haziety «Kommiersant», składzie $250 ci navat $210. Straty Rasii ŭ takim vypadku składuć bolš za $3 miljarda.
Jakuju kampiensacyju atrymaje rasijski bok? Pavodle roznych mierkavańniaŭ, «Hazpromu» mohuć dazvolić arandavać hazavyja schoviščy ŭ Zachodniaj Ukrainie. Taksama Kijeŭ zamović u Rasii pabudovu dvuch novych błokaŭ Chmialnickaj AES i admienić kantrakt z amierykanskim «Viestynhchaŭzam» na pastaŭku atamnaha paliva.
Razmovy viaducca taksama pra los fłotu ŭ Krymie i avijacyjnych zavodaŭ Ukrainy, što vyrablajuć samaloty An i nadta padabajucca ŭschodniamu susiedu.
