Pabačyŭ śviet čarhovy numar litaraturna‑navukovaha hadavika «Skarynič», jaki stvaryli zaŭziatary biełaruščyny ŭ Maskvie. Vypusk pryśviečany 1000‑m uhodkam letapisnaj Litvy, a taksama biełaruskaj prysutnaści ŭ rasijskaj prastory, małaviadomym staronkam z historyi nacyjanalnaha adradžeńnia.
U hetym numary: «Pahonia» Maksima Bahdanoviča ŭ pierakładzie na polskuju, ruskuju, ukrainskuju, anhlijskuju, niamieckuju, francuzskuju movy, uryŭki z Chroniki Litoŭskaj i Žamojckaj, z Chroniki Bychaŭca, artykuły Aleha Rudakova, Alaksieja Maračkina, Zianona Paźniaka, Viktara Čajčyca, Vitala Skałabana…
Pradmovu da vydańnia napisaŭ Alaksiej Kaŭka.
***
«Skarynič» doŭžyć temu biełaruskaje pakutnaje svabody — tekstami Fr.Alachnoviča ŭ ruskim pierakładzie (zaachvočvajučy rasiejskich siabroŭ da całkavitaha pierakładu «Kipciuroŭ»), pakazańniami ŭ spravie «Sajuza vyzvaleńnia Biełarusi», vieršami na Svabodu. Prysutnaść našaha čałavieka ŭ maskoŭskaj prastory, biełaruska‑litoŭska‑rasijska‑ukrainskija ŭzajeminy ŭvasobleny imionami V.Dunina‑Marcinkieviča, I.Nasoviča, A.Tvardoŭskaha — da sotych uhodkaŭ Paeta, P.Alejnikava, Uł.Sasiury, H.Kisialova, A.Viarcinskaha, a raniej — D.Dziabolskaha», ‑‑ havorycca ŭ pradmovie.
