Z usich jahad samuju vialikuju kolkaść askarbinavaj kisłaty ŭtrymlivaje sadovaja čarnapłodnaja rabina, abo aronija. Pa ŭtrymańni R‑aktyŭnych złučeńniaŭ aronija nie maje sabie roŭnych siarod inšych sadovych kultur.
U jaje pładach jość vitaminy Je i K, pravitamin A (karacin), folijevaja i nikacinavaja kisłoty (usie vitaminy zachoŭvajucca da viasny). Dziakujučy vysokamu ŭtrymańniu vitaminu R u spałučeńni z askarbinavaj kisłatoj, aronija źmianšaje pranikalnaść i łomkaść kapilaraŭ, biare ŭdzieł u akiślalna‑adnaŭlenčych pracesach. Akazvaje jana i sasudarasšyralnaje dziejańnie.
Pavodle słoŭ staršaj miedsiastry adździaleńnia prafiłaktyki 18‑j minskaj haradskoj palikliniki Valanciny Babko, mienavita ŭsio heta i dazvalaje rekamiendavać płady čarnapłodnaj rabiny ludziam z arteryjalnaj hipiertanijaj. Daśledavańni pakazali, što sok hetych jahad sapraŭdy źnižaje cisk, praŭda, na efiekt možna raźličvać tolki na pačatkovaj stadyi chvaroby. Tym nie mienš, pry hipiertaničnaj chvarobie rekamiendujecca ŭžyvać 75‑100 h jahad abo vypivać 100‑125 h adcisnutaha soku ŭ dzień. I jahady, i sok varta padzialić na try pryjomy, užyvać na praciahu 10‑15 dzion. Rekamiendujecca pry hetym uračebny kantrol.
Płady čornaj rabiny stymulujuć žoŭcieadździaleńnie, sakrecyju straŭnikavaha soku i aktyŭnaść straŭnikavych fiermientaŭ. Tamu aroniju možna jeści tym, chto pakutuje ad hastrytu z panižanaj kisłotnaściu, i nielha ŭžyvać chvorym na jazvavuju chvarobu i hastryt z pavyšanaj kisłotnaściu. Płady čarnapłodki pavyšajuć tonus arhanizma, zdymajuć razumovuju i fizičnuju stomlenaść, akazvajuć abarončaje dziejańnie pry bakteryjalnych i virusnych zachvorvańniach.
Najbolš raspaŭsiudžany sposab narychtoŭki čarnapłodnaj rabiny: pramytyja, źlohku prasušanyja jahady raścirajuć z cukram (na 500 h čarnapłodki — 350 h cukru). Zachoŭvajuć u chaładnavatym miescy. Chvorym na cukrovy dyjabiet i ludziam ź lišniaj vahoj bolš padydzie vodny nastoj (1‑2 čajnyja łyžki zdrobnienych sušanych pładoŭ zalić šklankaj kipieniu, pracadzić praz 30 chvilin). Prymać pa 3 stałovyja łyžki ŭ dzień.
