Prakuratura Miadzielskaha rajona pravodzić pravierku pa fakcie zabojstva i naniasieńnia cialesnych paškodžańniaŭ žančynam u vioscy Łotva.
Jak paviedamili ŭ adździaleńni infarmacyi i hramadskich suviaziej UUS Minskaha abłvykankama, prykładna ŭ 21.00 4 krasavika pjany 29‑hadovy niepracujučy žychar vioski Ražki, jaki znachodzicca na ŭliku va ŭrača‑psichijatra, raźbiŭšy šybu, trapiŭ u dom 77‑hadovaj žančyny. U hety čas u jaje ŭ haściach znachodzilisia dźvie piensijanierki. Małady čałaviek źbiŭ ich mietaličnymi prutami i draŭlanym kijem.
Ad atrymanych traŭmaŭ 60‑hadovaja hościa pamierła na miescy, haspadynia doma skanała a pieršaj hadzinie nočy ŭ Miadzielskaj rajonnaj balnicy. Treciaja achviara, 75‑hadovaja žančyna, znachodzicca ŭ lačebnaj ustanovie z zakrytaj čerapna‑mazhavoj traŭmaj i pierałomam pravaj ruki.
Matyvy złačynstva vyśviatlajucca, kryminalnaja sprava pakul nie raspačata.
