Śvietłahorski padletak pryhavorany da piaci z pałovaj hadoŭ pazbaŭleńnia voli za ŭčynieńnie hvałtoŭnych dziejańniaŭ sieksualnaha charaktaru ŭ dačynieńni da troch mužčyn — 18, 54 i 60 hadoŭ.
Pryhavor byŭ abvieščany 18 sakavika, ale pakul nie nabyŭ zakonnuju moc, abvinavačany maje prava jaho abskardzić.
Jak paviedamili ŭ prakuratury Śvietłahorskaha rajona Homiela, 18 listapada 2009 hoda sprava pa č. 1 i č. 2 art. 167 KK (hvałtoŭnyja dziejańni sieksualnaha charaktaru) była raspačata pa zajavach žycharoŭ Śvietłahorska 1991, 1956 i 1949 hadoŭ naradžeńnia. Pavodle słoŭ paciarpiełych, uviečary 14 listapada ŭ domie rajcentra, dzie žyvie adzin ź ich, 16‑hadovy vučań źbiŭ mužčyn i, pahražajučy fizičnaj raspravaj, učyniŭ hvałtoŭnyja dziejańni sieksualnaha charaktaru.
Sud pryznaŭ padletka vinavatym va ŭčynieńni hvałtoŭnych sieksualnych dziejańniaŭ, a taksama ŭ rabavańni (č. 2 art. 206 KK), bo ŭ paciarpiełych jon zabraŭ hrošy. U prakuratury adznačyli, što dvoje z paciarpiełych, 1956 i 1949 hadoŭ naradžeńnia, viali asacyjalny ład žyćcia.
Na sudzie svaju vinu va ŭčynieńni hvałtoŭnych dziejańniaŭ sieksualnaha charaktaru padletak nie pryznaŭ i skazaŭ, što ŭsio adbyvałasia dobraachvotna.
