Spravy pa č. 1 i 2 art. 205 KK (kradziež) raspačaty UUS Savieckaha rajona Minska ŭ dačynieńni da 20‑hadovaha žychara stalicy.
Jak paviedamili ŭ HUUS Minharvykankama, małady čałaviek, raniej sudzimy za kradziažy i chulihanstva, zatrymany za sieryju kradziažoŭ asabistaj majomaści z padsobnych pamiaškańniaŭ, kabinietaŭ roznych arhanizacyj i mahazinaŭ. Zaraz jamu inkryminujecca 11 złačynnych epizodaŭ na terytoryi Savieckaha rajona.
Vypadki takich kradziažoŭ uzmacnilisia z kanca 2009 hoda. Złamyśnik svabodna pranikaŭ u pamiaškańni, jakija jamu pryhlanulisia,
i prysvojvaŭ sabie ŭsio, što było ŭ žanočych sumačkach: hrošy i mabilnyja telefony.
Zaraz małady čałaviek znachodzicca pad padpiskaj ab niavyjeździe za ŭčynieńnie anałahičnych kradziažoŭ u inšym rajonie stalicy.
Razhladajecca pytańnie pra abjadnańnie dvuch kryminalnych spraŭ u adnu — pa č. 3 art. 205 (kradziež, učynieny ŭ bujnym pamiery). Maksimalnaje pakarańnie za takoje złačynstva — 7 hadoŭ pazbaŭleńnia voli.
