Справы па ч. 1 і 2 арт. 205 КК (крадзеж) распачаты УУС Савецкага раёна Мінска ў дачыненні да 20‑гадовага жыхара сталіцы.
Як паведамілі ў ГУУС Мінгарвыканкама, малады чалавек, раней судзімы за крадзяжы і хуліганства, затрыманы за серыю крадзяжоў асабістай маёмасці з падсобных памяшканняў, кабінетаў розных арганізацый і магазінаў. Зараз яму інкрымінуецца 11 злачынных эпізодаў на тэрыторыі Савецкага раёна.
Выпадкі такіх крадзяжоў узмацніліся з канца 2009 года. Зламыснік свабодна пранікаў у памяшканні, якія яму прыглянуліся,
і прысвойваў сабе ўсё, што было ў жаночых сумачках: грошы і мабільныя тэлефоны.
Зараз малады чалавек знаходзіцца пад падпіскай аб нявыездзе за ўчыненне аналагічных крадзяжоў у іншым раёне сталіцы.
Разглядаецца пытанне пра аб’яднанне двух крымінальных спраў у адну — па ч. 3 арт. 205 (крадзеж, учынены ў буйным памеры). Максімальнае пакаранне за такое злачынства — 7 гадоў пазбаўлення волі.
0
0
0
0
0
0
