Premjer‑ministr Ukrainy Mikałaj Azaraŭ raźličvaje, što zapłanavany na viasnu vizit u Minsk prezidenta krainy Viktara Janukoviča
«daść mahčymaść vyrašyć šerah pytańniaŭ, i dla hetaha adpaviednuju padrychtoŭku pavinna ažyćciavić mižuradavaja ŭkrainska‑biełaruskaja kamisija». Pra heta paviedamiła 17 sakavika ŭpraŭleńnie pa suviaziach sa ŚMI sakrataryjata Kabinieta ministraŭ Ukrainy pa vynikach sustrečy Azarava z kiraŭnikom Administracyi prezidenta Biełarusi Uładzimiram Makiejem.
Premjer‑ministr vykazaŭsia za pahłybleńnie dvuchbakovych adnosin. «Biełaruś — družalubnaja susiedniaja kraina, asablivy partnior dla Ukrainy. Jak i zaŭsiody pamiž susiedziami, u nas jość temy dla abmierkavańnia, pošuku kampramisaŭ, ale adnaznačna niama prablem, jakija nie vyrašajucca. U nas vielmi šmat mahčymaściaŭ dla raźvićcia dvuchbakovych adnosin. Dumaju, što i Biełaruś, i my zacikaŭleny ŭ hetym», — adznačyŭ Azaraŭ.
U svaju čarhu Makiej «pavinšavaŭ Mikałaja Azarava ad imia prezidenta Biełarusi Alaksandra Łukašenki ŭ suviazi z abrańniem na pasadu premjer‑ministra». «Biełaruś viedaje vas vielmi dobra i z najlepšaha boku. Z pryznačeńniem vas na pasadu čakajem novaha etapa raźvićcia našych adnosin», — skazaŭ Makiej.
Jon adznačyŭ, što
Biełaruś raźličvaje na raźvićcio stasunkaŭ va ŭsich biez vyklučeńnia śfierach. Pavodle jaho słoŭ, dla dasiahnieńnia hetaj mety bakam nieabchodna pravieści hruntoŭny analiz adnosin.
Padčas razmovy Azaraŭ i Makiej «abmierkavali mahčymyja śfiery intensifikacyi supracoŭnictva, u jakich možna dasiahnuć chutkaha i zaŭvažnha vyniku, u pryvatnaści ŭ mašynabudavańni, naftachimii, vajenna‑pramysłovym kompleksie, sielskaj haspadarcy».
Pavodle paviedamleńnia Pieršaha kanała biełaruskaha telebačańnia, kiraŭnik Administracyi prezidenta sustreŭsia ŭ Kijevie taksama sa svaim ukrainskim kaleham Siarhiejem Lovačkinym i Viktaram Janukovičam. Baki abmierkavali aktualnyja pytańni biełaruska‑ŭkrainskich stasunkaŭ, a taksama pierśpiektyvy raźvićcia damoŭlenaściaŭ Łukašenki i Janukoviča, jakija byli dasiahnuty padčas pajezdki biełaruskaha kiraŭnika ŭ Kijeŭ na inaŭhuracyju novaha ŭkrainskaha kiraŭnika (25 lutaha).
3 sakavika adbyłasia telefonnaja razmova kiraŭnikoŭ Biełarusi i Ukrainy, jakija damovilisia, što administracyi prezidentaŭ dvuch dziaržaŭ sumiesna z zacikaŭlenymi viedamstvami vypracujuć kankretny paradak dnia sustrečy, što maje adbycca.
