Kurs dalara ZŠA pavodle vynikaŭ praviedzienych 5 sakavika biržavych tarhoŭ vyras na 6 rubloŭ i skłaŭ 2.945 rubloŭ. Heta źjaŭlajecca novym histaryčnym maksimumam koštu amierykanskaj valuty.
Raniejšy byŭ zafiksavany na tarhach 2 sakavika i składaŭ 2.939 rubloŭ.
Pavodle źviestak BVFB, u tarhach dalaram udzielničała 25 bankaŭ. Popyt pieravysiŭ prapanovu amal u 12 razoŭ. Abjom ździełak skłaŭ 29 młn. 781 tys. (popyt — 29 młn. 818 tys., prapanova — 2 młn. 442 tys.).
U tarhach rasijskim rublom udzielničała 27 bankaŭ. Kurs vyras z 98,55 da 98,70 rubla, taksama dasiahnuŭšy novaha histaryčnaha maksimumu. Abjom tarhoŭ skłaŭ 274 młn. 31 tys. rasijskich rubloŭ (popyt — 295 młn. 918 tys., prapanova — 274 młn. 31 tys.).
U tarhach jeŭra ŭziali ŭdzieł 26 bankaŭ. Abjom ździełak skłaŭ 7 młn. 831 tys. (popyt — 7 młn. 831 tys., prapanova — 8 młn. 945 tys.), a kurs źniziŭsia na 9 rubloŭ da 4.003 rubloŭ za jeŭra.
U adnosinach da valutnaha košyka (dalar ZŠA, jeŭra, rasijski rubiel) biełaruski rubiel źniziŭsia na 0,04% u paraŭnańni z papiarednim značeńniem: košt košyka skłaŭ 1.051,83 rubla suprać 1.051,38 rubla dniom raniej. Kurs valutnaha košyka šosty dzień zapar abnaŭlaje svoj maksimum.
Z pačatku hoda kurs biełaruskaha rubla da valutnaha košyka źniziŭsia na 1,50%. Pry hetym da dalara ZŠA kurs źniziŭsia na 2,86%, da rasijskaha rubla — na 4,27%, da jeŭra — umacavaŭsia na 2,50%.
Na 2010 hod kalidor vahańniaŭ kursu biełaruskaha rubla ŭ adnosinach da košyka valut ustanoŭleny ŭ miežach plus/minus 10%.
