Letaś u Połacku padčas archieałahičnych raskopak na terytoryi staražytnaha haradzišča biełaruskija navukoŭcy znajšli čatyry frahmienty arabskich srebranych maniet — dyrchiemaŭ.
Niahledziačy na toje, što jany byli paškodžany, udałosia vyjavić datu ich čakanki — 800‑825 hady.
«Takim čynam, maniety zaśviedčyli, što
Połack na niekalki dziesiatkaŭ hadoŭ starejšy, čym pryniata ličyć zhodna ź pieršym letapisnym uzhadvańniem»,— adznačyŭ u intervju kiraŭnik archieałahičnaj ekśpiedycyi, kandydat histaryčnych navuk navukovy supracoŭnik Instytuta historyi NAN Biełarusi Marat Klimaŭ.
Nahadajem, što pieršaj letapisnaj zhadkaj pra samy staražytny biełaruski horad dasiul byŭ 862 hod.
Sioleta archieałahičnyja raskopki ŭ Połacku buduć praciahnuty, a da śviatkavańnia 1150‑hodździa horada navukoŭcy źbirajucca vydać knihu pra svaje znachodki.
0
0
0
0
0
0
