U biełaruskaj stalicy dla baraćby z hałalodam zamiest techničnaj soli na chodnikach, piešachodnych zonach dy hankach budynkaŭ ciapier budzie vykarystoŭvacca kuchonnaja sol.
Pra heta ŭ čaćvier na pres-kanfierencyi paviedamiła žurnalistam namieśnik hiendyrektara HA «Minskaja haradskaja žyllovaja haspadarka» Halina Hilevič.
Minskaja haradskaja žyllovaja haspadarka padčas antyhałalodnych kampanij tradycyjna vykarystoŭvaje piasčana-salanuju sumieś. Na 100 kv.m nieabchodna 53 kh sumiesi, u jakoj soli ŭtrymlivajecca 1,5-2 kh.
«Liškaŭ sumiesiaŭ z techničnaj sollu ŭ nas niama», — padkreśliła Halina Hilevič. Jana taksama adznačyła, što žyllovaja haspadarka Minska hatova da praviadzieńnia antyhałalodnaj kampanii pavodle novych praviłaŭ.
Ministerstva achovy zdaroŭja Biełarusi zabaraniła vykarystańnie vadkaha chłorystaha kalcyju i techničnaj soli ŭ jakaści supraćhałalodnych srodkaŭ na chodnikach i ŭ piešachodnych zonach.
Takoje rašeńnie źmiaščajecca ŭ pastanovie Ministerstva achovy zdaroŭja №143, jakoje ŭstupić u siłu 22 studzienia 2010 hoda.
0
0
0
0
0
0
