Vilnia. Ilustracyjnaje fota «Naša Niva»
Parłamiencki kamitet uchvaliŭ kampramisny varyjant. Zhodna z dakumientam, litoŭski DNŽ u hramadzianina Biełarusi ŭ vypadku, kali jon ci jana budzie naviedvać Biełaruś čaściej, čym adzin raz na try miesiacy. Chutčej za ŭsio, heta tyčycca ekanamičnych mihrantaŭ ci členaŭ ich siemjaŭ, a taksama dalnabojščykaŭ.
Taksama DNŽ budzie padlahać anulavańniu, kali takija pajezdki buduć pradstaŭlać pahrozu dla nacbiaśpieki. Anałahičnyja miery buduć tyčycca i rasijanaŭ, paviedamlaje Delfi.
Papraŭku ab novych abmiežavańniach u dačynieńni da hramadzian Biełarusi i Rasii ŭniesła hrupa litoŭskich deputataŭ. Pieršapačatkova jany prapanoŭvali pazbaŭlać DNŽ tych biełarusaŭ i rasijanaŭ, chto jeździć na radzimu čaściej čym raz na miesiac.
Była i bolš radykalnaja prapanova: deputat Aŭdronius Ažubalis prapanoŭvaŭ pazbaŭlać DNŽ tych, chto naviedvaje radzimu čaściej za adzin raz u kvartał za apošnija 12 miesiacaŭ. Hetaja prapanova nie prajšła ŭ Kamitecie.
Ciapier papraŭka, uchvalenaja Kamitetam pa nacyjanalnaj biaśpiecy i abarony, budzie vyniesienaja na abmierkavańnie ŭ Siejm.
Čytajcie taksama:
Kolki biełaruskich firmaŭ i ich rabotnikaŭ rełakavałasia ŭ Litvu?
U Siejm Litvy ŭnieśli zakonaprajekt ab pazbaŭleńni DNŽ biełarusaŭ, jakija časta jeździać na radzimu
U Litvie zarehistravanyja 63 tysiačy biełarusaŭ z DNŽ. Ale źjaviłasia novaja tendencyja
Ministram abarony Litvy staŭ viadomy prychilnik abmiežavańniaŭ suprać biełarusaŭ
