Vystaŭka ŭ muziei Bierlinskaj ściany. Fota: fejsbuk Jaŭhienii Doŭhaj
Pad vystavu pra biełaruskich palitviaźniaŭ-žančyn adviali adno z 50 vystavačnych pamiaškańniaŭ, raźmieščana pobač sa znakamitym KPP «Čarli» ŭ Bierlinie.
Adno z arhanizatarak vystaŭki stała Jaŭhienija Doŭhaja, zasnavalnica inicyjatyvy dapamohi palitźniavolenym žančynam «Palitviazynka». Da hetaha jaje padšturchnuła prapanova art-kuratarki z Ukrainy.
Turemnuju kalekcyju z važnych rečaŭ sabrali za niekalki miesiacaŭ. U jaje ŭvajšli, naprykład, rukavicy z kałonii, jakija sahravali ruki palitźniavolenaj, pakul jana čyściła śnieh, iajka z vyšytymi na joj abdymaškami i dałońkami siabroŭ, jakuju chłopcy dasłali ŭ SIZA da dnia naradžeńnia źniavolenaj dziaŭčynie, abutak sa šnurkami, vyrablenymi z pakietaŭ, znošanaje ružovaje sukienka, chustka, ciełahrejka, spadnica i pinžak z kałonii.
Rečy palitźniavolenych. Fota: fejsbuk Jaŭhienii Doŭhaj
Fota: fejsbuk Jaŭhienii Doŭhaj
Adna palitźniavolenaja pieradała dla vystaŭki svaju biełuju sukienku, u joj jana viančałasia ŭ kaściole, a potym u joj pajšła na sud, dzie joj vynieśli abvinavaŭčy prysud.
U ekspazicyi pradstaŭleny taksama asabisty dziońnik i fatahrafii, jakija žančyny atrymlivali ŭ turmach, paštoŭki ad maleńkaha syna adnoj z žančyn. Majucca i zdymki z žanočych maršaŭ.
Fota: fejsbuk Jaŭhienii Doŭhaj
Ukrainskaja mastačka Leanora Janko, natchniŭšysia historyjami biełarusak, namalavała akryłam karcinu «Siły dabra».
Ekspazicyja pracuje pa adrasie Friedrichstraße 43-45.
«Naša Niva» — krynica jakasnaj infarmacyi i bastyjon biełaruščyny
PADTRYMAĆ «NN»
