Ź IČU jon pavinien byŭ vyjści jašče 21 listapada. Na hety momant miesca znachodžańnia Alaksandra i pryčyny jaho druhoha zatrymańnia pakul nieviadomyja, piša «Homielskaja viasna».
Jaho maci Taćciana Kanieŭskaja — była adnoj ź lidarak kampanii «Maci 328», jakaja zmahałasia suprać praciahłych terminaŭ dla zatrymanych pavodle narkatyčnych artykułaŭ. U 2020 hodzie była davieranaj asobaj Śviatłany Cichanoŭskaj.
8 žniŭnia 2020 hoda, napiaredadni vybaraŭ, jaje zatrymała milicyja. Uviesnu 2021 hoda sud pakaraŭ Taćcianu Kanieŭskuju šaściu hadami pazbaŭleńnia voli za «masavyja biesparadki».
Taćciana maje čatyroch synoŭ. Małodšamu Hieorhiju — 14 hadoŭ. Uviesnu jaje syna Dźmitryja pasadzili na try hady za niehatyŭny dopis pra milicyju ŭ telehramie. Niadaŭna jon vyjšaŭ na volu.
